ថ្ងៃទី២៩ ខែកញ្ញា លោក Xi Jinping ប្រធានរដ្ឋចិននិងលោក Fumio Kishida នាយករដ្ឋមន្ត្រីជប៉ុនបានផ្ញើសារលិខិតជូនគ្នាទៅវិញទៅមក ដើម្បីអបអរសាទរខួបទី៥០នៃការស្តារទំនាក់ទំនងរវាងចិននិងជប៉ុនឱ្យមានភាពប្រក្រតីឡើងវិញ ។
លោក Xi Jinping បានលើកឡើងថា ក្នុងរយៈពេល៥០ឆ្នាំកន្លងមក ក្រោមការខិតខំប្រឹងប្រែងរួមរបស់រដ្ឋាភិបាលនិងប្រជាជននៃប្រទេសទាំងពីរចិននិងជប៉ុន ភាគីទាំងពីរបានឈានដល់ឯកសារនយោបាយចំនួន៤ច្បាប់និងគំនិតឯកភាពរួមដ៏សំខាន់មួយចំនួនជាបន្តបន្ទាប់ ហើយការផ្លាស់ប្តូរនិងកិច្ចសហប្រតិបតិ្តការលើគ្រប់វិស័យមានភាពកាន់តែស៊ីជម្រៅ ដែលបាននាំមកនូវសុខសុភមង្គលដល់ប្រទេសនិងប្រជាជននៃប្រទេសទាំងពីរ ហើយក៏បានជំរុញដល់សន្តិភាពនិងវឌ្ឃនភាពក្នុងតំបន់រហូតដល់ពិភពលោកផងដែរ ។
លោក Fumio Kishida បានថ្លែងថា ជប៉ុនរីករាយរួមសហការជាមួយប្រទេសចិន ក្នុងន័យជំរុញការបង្កើតទំនាក់ទំនងរវាងជប៉ុននិងចិនប្រកបដោយលក្ខណៈស្ថាបនានិងភាពនឹងនរ រួមគ្នាជំរុញសន្តិភាពនិងវិបុលភាពនៃប្រទេសទាំងពីរ ក៏ដូចជាតំបន់នេះនិងពិភពលោកផងដែរ ។
នៅថ្ងៃដដែល លោក Li Keqiang នាយករដ្ឋមន្ត្រីចិននិងលោក Fumio Kishida ក៏បានផ្ញើសារអបអរសាទរជូនគ្នាទៅវិញទៅមកផងដែរ ៕