តាមដំណឹងនៃការិយាល័យវិស្វកម្មអវកាសផ្ទុកមនុស្សចិនកាលពីថ្ងៃទី ៣ ខែកញ្ញាឱ្យដឹងថា រ៉ុក្កែតដឹកជញ្ជូន Long March 5B Y-4 ដែលនឹងបំពេញបេសកកម្មបាញ់បង្ហោះបន្ទប់ពិសោធន៍ Mengtian ត្រូវបានដឹកជញ្ជូនមកដល់កន្លែងបាញ់បង្ហោះផ្កាយរណបអវកាស Wenchang ដោយសុវត្ថិភាពនាពេលថ្មីៗនេះ ។
យោងតាមការចាត់ចែង បន្ទប់ពិសោធន៍ Mengtian ដែលជាបន្ទប់ពិសោធន៍ទីពីរនៃស្ថានីយអវកាសចិននឹងត្រូវបាញ់បង្ហោះនៅខែតុលាខាងមុខ។ បន្ទាប់ពីការបាញ់បង្ហោះបន្ទប់ពិសោធន៍ Mengtianរួច បន្ទប់ស្នូល Tianhe បន្ទប់ពិសោធន៍ Wentian និងបន្ទប់ពិសោធន៍ Mengtian នៃស្ថានីយអវកាសចិននឹងបង្កើតទៅជារចនាសម្ព័ន្ធជាមូលដ្ឋានរាងអក្សរ "T" ហើយនឹងបញ្ចប់ការសាងសង់តាមគន្លងវិថីនៃស្ថានីយអវកាសចិន បន្ទាប់មក នឹងមានបេសកកម្មបាញ់បង្ហោះយានអវកាសដឹកទំនិញ Tianzhou-5 និងបាញ់បង្ហោះយានអវកាសផ្ទុកមនុស្ស Shenzhou- 15 ។
ក្នុងនោះ ក្រុមអវកាសយានិកនៃយានអវកាស Shenzhou- 15 នៅមានអវកាសយានិកបីនាក់ដដែល ពួកគេនឹងធ្វើការនិងរស់នៅក្នុងគន្លងតារាវិថីរយៈពេល៦ខែបន្ទាប់ពីបញ្ចប់ការផ្លាស់វេនគ្នាជាមួយក្រុមអវកាសយានិកនៃយានអវកាស Shenzhou- 14៕