លោក Hossein Amir-Abdollahian រដ្ឋមន្ត្រីក្រសួងការបរទេសអ៊ីរ៉ង់និងលោក Jpsef Borell តំណាងជាន់ខ្ពស់ទទួលបន្ទុកនយោបាយសន្តិសុខនិងការទូតសហភាពអឺរ៉ុបបានប្រកាសនៅក្រុងតេហេរ៉ង់ រដ្ឋធានីអ៊ីរ៉ង់នៅថ្ងៃទី ២៥ ខែមិថុនាថា ការចរចាភាគីពាក់ព័ន្ធនៃកិច្ចព្រមព្រៀងគ្រប់ជ្រុងជ្រោយស្តីពីបញ្ហានុយក្លេអ៊ែរអ៊ីរ៉ង់នឹងចាប់ដំណើរការឡើងវិញនៅប៉ុន្មានថ្ងៃខាងមុខនេះ។
ថ្ងៃដដែលលោក Abdollahian បានជួបពិភាក្សាជាមួយលោក Borell ដែលអញ្ជើញមកបំពេញទស្សនកិច្ច។ លោក Abdollahian បានថ្លែងក្នុងសន្និសិទកាសែតជាបន្ទាប់ថា ភាគីទាំងពីរបានពិគ្រោះពិភាក្សាគ្នាយ៉ាងល្អិតល្អន់និងស៊ីជម្រៅអំពីការចាប់ដំណើរការការចរចាស្តីពីបញ្ហានុយក្លេអ៊ែរអ៊ីរ៉ង់ ដើម្បីបំបែកភាពជាប់គាំង។ លោកBorell បានលើកឡើងថា ប្រមាណថាការចរចាស្តីពីបញ្ហានុយក្លេអ៊ែរអ៊ីរ៉ង់នឹងចាប់ដំណើរការឡើងវិញនៅពេលខាងមុខនេះ ភាពជាប់គាំងនឹងត្រូវបានបំបែក ។ គ្រប់ភាគីត្រូវចាប់ដំណើរការការចរចាក្នុងពេលឆាប់ៗ ដើម្បី “ដោះស្រាយបញ្ហាដ៏មិនទាន់ត្រូវបានដោះស្រាយនៃដំណាក់កាលចុងបំផុត”៕