កាលពីថ្ងៃទី២៥ខែឧសភា លោក Mevlut Cavusoglu រដ្ឋមន្ត្រីការបរទេសតួកគីបានទៅដល់អ៊ីស្រាលអែលដើម្បីបំពេញទស្សនកិច្ច ព្រមទាំងជួបពិភាក្សាការងារជាមួយលោក Yair Lapid រដ្ឋមន្ត្រីការបរទេសអ៊ីស្រាអែលផងដែរ ។ នេះគឺជាលើកទីមួយដែលមន្ត្រីថ្នាក់រដ្ឋមន្ត្រីរបស់តួកគីបានទៅបំពេញទស្សនកិច្ចនៅអ៊ីស្រាអែលក្នុងរយៈពេល១៥ឆ្នាំកន្លងទៅនេះ ។

លោក Yair Lapid បានថ្លែងក្នុងសន្និសីទសារព័ត៌មានរួមដែលធ្វើឡើងបន្ទាប់ពីជំនួបពិភាក្សាការងារថា ទំនាក់ទំនងរវាងប្រទេសទាំងពីរអ៊ីស្រាអែលនិងតួកគីបាន “បើកទំព័រថ្មី” ។ ដោយឡែក លោក Mevlut Cavusoglu បានថ្លែងថា ការកែលម្អទំនាក់ទំនងរវាងតួកគីនិងអ៊ីស្រាអែលគឺមាន “ឥទ្ធិពលវិជ្ជមាន”ក្នុងការដោះស្រាយការប៉ះទង្គិចរវាងប៉ាឡេស្ទីននិងអ៊ីស្រាអែល ហើយភាគីតួកគីយល់ឃើញថា “ផែនការប្រទេសពីរ”គឺជាមធ្យោបាយតែមួយគត់សម្រាប់ដោះស្រាយការប៉ះទង្គិចរវាងប៉ាឡេស្ទីននិងអ៊ីស្រាអែល ។