កិច្ចប្រជុំរដ្ឋមន្រ្តីការបរទេសសហភាពអឺរ៉ុបបានបើកធ្វើនៅក្រុងប្រ៊ុចសែលរដ្ឋធានីប្រទេសបែលហ្ស៉ិកកាលពីថ្ងៃទី១៦ ខែឧសភា ។ ដោយសារការប្រឆាំងពីប្រទេសហុងគ្រី កិច្ចប្រជុំនេះមិនបានឈានដល់គំនិតឯកភាពរួមលើគម្រោងស្នើដាក់ទណ្ឌកម្មជុំទី៦រួមទាំងការហាមនាំចូលប្រេងកាតរបស់រុស្ស៊ី។
ថ្លែងក្នុងសន្និសីទសារព័ត៌មានបន្តាប់ពីកិច្ចប្រជុំ លោកBorell តំណាងជាន់ខ្ពស់ទទួលបន្ទុកការបរទេសនិងគោលនយោបាយសន្តិសុខសហភាពអឺរ៉ុបបានថ្លែងថា គោលជំហររបស់ប្រទេសហុងគ្រីគឺឈរលើការព្រួយបារម្ភពីសេដ្ឋកិច្ច តែមិនមែនពីគោលនយោបាយនោះទេ៕