ការបោះឆ្នោតជាតិនិងថ្នាក់តំបន់របស់ហ្វីលីពីនបានចាប់ផ្តើមជាផ្លូវការពីម៉ោង៦ពេលព្រឹកថ្ងៃទី៩ខែឧសភាតាមម៉ោងតំបន់។

ថ្ងៃបោះឆ្នោតនេះ នឹងមានអ្នកបោះឆ្នោតមានលក្ខណៈ សម្បត្តិ គ្រប់គ្រាន់ លើសពី ជាង៦៥លាន៧០ម៉ឺននាក់ទៅកាន់កន្លែងបោះឆ្នោតចំនួន៣៧២១១កន្លែងទូទាំងប្រទេស ដើម្បីបោះឆ្នោតជ្រើសរើសប្រធានាធិបតី អនុប្រធានាធិបតី សមាជិក សភា ព្រមទាំង មន្ត្រីរដ្ឋបាល និងតំណាងក្រុមប្រឹក្សាមូលដ្ឋានជាដើម។ មណ្ឌលបោះឆ្នោត នឹងបិទនៅ ម៉ោង១៩ នាថ្ងៃដដែលតាមម៉ោងតំបន់។ លទ្ធផលជាជំហាន ដំបូងអាចនឹងប្រកាស នៅព្រឹក ព្រលឹមថ្ងៃទី១០ខែឧសភាខាងមុខនេះ៕