មហោស្រពខ្សែភាពយន្តអន្តរជាតិប៉េកាំងលើកទី ១០ នឹងប្រារព្ធធ្វើឡើងពីថ្ងៃទី ២២ ដល់ថ្ងៃទី ២៩ ខែសីហាខាងមុខនេះ ភ្ញៀវកិត្តិយសនៅក្រៅប្រទេសចិននឹងចូលរួមសកម្មភាពទាំងឡាយតាមរបៀបអនឡាញ។
មហោស្រពលើកនេះនឹងរៀបចំសកម្មភាពទាំងនៅកន្លែងជាក់ស្តែងនិងតាមបណ្តាញអ៊ីនធឺណេត ដូចជាការរៀបចំពិធីបើក ការចាក់បញ្ចាំងភាពយន្ត ពិព័រណ៍ ការកៀរគរពាណិជ្ជករតាមអនឡាញ វេទិការ មហោស្រពភាពយន្តនិស្សិតប៉េកាំងជាដើម។ គេហទំព័រផ្លូវការនៃមហោស្រពភាពយន្តអន្តរជាតិប៉េកាំងលើកនេះនឹងមានការបង្ហាញតាមទម្រង់ 3D តាមអនឡាញ ដើម្បីផ្តល់ជូនពាណិជ្ជករ និងភ្ញៀវកិត្តិយសនូវសេវាកម្មផ្លាស់ប្តូរនិងកិច្ចសហប្រតិបត្តិការបែបឌីជីថល ឆ្លាតវៃ និងប្រកបដោយប្រសិទ្ធភាព។