យប់ថ្ងៃទី៣០ខែកញ្ញា ពិធីបដិសណ្ឋារកិច្ចអបអរសាទរខួបទី៧០នៃការបង្កើតសាធារណរដ្ឋប្រជាមានិតចិនបានប្រារព្ធធ្វើយ៉ាងឧឡារិកនៅវិមានសភាប្រជាជនក្រុងប៉េកាំង។ លោកស៊ីជីនភីង អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិន ប្រធានរដ្ឋចិននិងជាប្រធានគណៈកម្មាធិការយោធាមជ្ឈិមចិនបានអញ្ជើញធ្វើជាអធិបតីក្នុងពិធីសណ្ឋារកិច្ចព្រមទាំងបានថ្លែងសុន្ទរកថាគន្លឹះដោយបានបញ្ជាក់ថា ក្នុងដំណើរកសាងសង្គមនិយាយថ្មីយើងត្រូវជ្រោងទង់សាមគ្គីភាព រួមសាមគ្គីគ្នាឲ្យបានកាន់តែជិតស្និទ្ធថែមទៀតក្រោមការដឹកនាំរបស់មជ្ឈិមបក្សកុម្មុយនិស្តចិនពង្រឹងនិងពង្រីកមហាសាមគ្គីភាពនៃប្រជាជនគ្រប់ជនជាតិទូទាំងប្រទេស បង្កើនមហាសាមគ្គីភាពនៃកុលបុត្រកុលធីតាចិនទាំងជាតិនិងអន្តរជាតិក៏ដូចជាបង្កើនមហាសាមគ្គីភាពនៃគ្រប់គណបក្សគ្រប់ក្រុមសង្គមគ្រប់ជនជាត គ្រប់ស្រទាប់ជាន់ថ្នាក់ដើម្បីរក្សាទំនាក់ទំនងយ៉ាងស្អិតល្មួតរវាងបក្សកុម្មុយនិស្តចិននិងប្រជាជនខិតខំប្រឹងប្រែងផ្សព្វផ្សាយស្មារតីស្នេហាជាតិ ក្នុងន័យប្រមូលផ្តុំបង្កើតជាកម្លាំងដ៏ខ្លាំងក្លាសម្រាប់ជំរុញការស្តារភាពរុងរឿងដ៏មហិមារបស់ប្រជាជាតិចិន។
ព្រះករុណា ព្រះបាទសម្តេច ព្រះបរមនាថ នរោត្តមសីហមុនី ព្រះមហាក្សត្រនៃកម្ពុជានិងសម្តេចព្រះមហាវីរៈក្សត្រី នរោត្តម មុនីនាថ សីហនុដែលកំពុងគង់ប្រថាប់នៅក្រុងប៉េកាំងតំណាងនៃឥស្សរជនដែលទទួលបានមេដាយមិត្តភាព ឥស្សរជនល្បីឈ្មោះអន្តរជាតិ អង្គទូតនៃប្រទេសនានាប្រចាំនៅប្រទេសចិនព្រមនិងតំណាងនៃអង្គការអន្តរជាតិប្រចាំនៅប្រទេសចិនជាដើមក៏បានអញ្ជើញចូលរួមពិធីបដិសណ្ឋារកិច្ចផងដែរ៕
