ថ្ងៃទី១៧ខែកញ្ញា ពីធីប្រកាសរូបតុក្កតាសិរីមង្គលជាមិត្តរូបនៃការប្រកួតកីឡាអូឡាំពិករដូវរងា និងការប្រកួតកីឡាអូឡាំពិកជនពិការរដូវរងាឆ្នាំ២០២២ក្រុងប៉េកាំងបានប្រារព្ធធ្វើនៅក្រុងប៉េកាំង។
រូបតុក្កតាសិរីមង្គលជាមិត្តរូបនៃការប្រកួតកីឡាអូឡាំពិករដូវរងាឈ្មោះBingDwenDwen គឺរចនាឡើងតាមរូបរាងរបស់ខ្លាឃ្មុំផេនដា ជានិមិត្តរូបនៃកាយសម្បទារឹងមាំនិង ឆន្ទៈដ៏មុតមាំរបស់កីឡាករកីឡាការិនីដែលចូលរួមការប្រកួតកីឡាអូឡាំពិករដូវរងា ក៏ដូចជាស្មារតីអូឡាំពិកដែលលើកទឹកចិត្តដល់មនុស្សទាំងឡាយផងដែរ។
ចំណែករូបតុក្កតាសិរីមង្គលជានិមតិ្តរូបនៃការប្រកួតកីឡាអូឡាំពិកជនពិការរដូវរងាឈ្មោះ Shuey Rhon Rhon គឺរចនាឡើងតាមរូបរាងចង្កៀងគោមចិន បានបង្ហាញពីទស្សនទានដ៏ល្អប្រសើរដែលឆ្លងតាមរយៈការប្រកួតកីឡាអូឡាំពិកជនពិការមកបង្កើតពិភពលោកមួយដែលកាន់តែប្រកបដោយបរិយាប័ន្ននិងកសាងសហគមន៍រួមវាសនាតែមួយរបស់មនុស្សជាតិ។
លោកThomas Bachប្រធានគណៈកម្មាធិការកីឡាអូឡាំពិកអន្តរជាតិបានថ្លែងថា ការប្រកាសពីរូបតុក្កតាសិរីមង្គលគឺជាសញ្ញាកត់សម្គាល់ថាក្រុងប៉េកាំងបានបោះមួយជំហានទៅ មុខដ៏សំខាន់ក្នុងការក្លាយទៅជាទីក្រុងទី១ក្នុងប្រវត្តិសាស្ត្រកីឡាអូឡាំពិកដែលបានរៀបចំការប្រកួតកីឡាអូឡាំពិកទាំងរដូវក្តៅនិងរដូវរងា៕