ព្រឹកថ្ងៃទី២៩ខែមីនាតាមម៉ោងតំបន់ លំហាត់នាគមាសឆ្នាំ២០១៨ដែលជាការហ្វឹកហាត់ផ្នែកការប្រឆាំងភេរវកម្មរួមគ្នានិងការងារមនុស្សធម៌រវាងប្រទេសចិននិងកម្ពុជាទីបំផុតបានសម្រេចលំហាត់នៃសកម្មភាពប្រឆាំងភេរវកម្មរួមគ្នា ហើយរៀបចំពិធីបិទបញ្ចប់លំហាត់នៅទីលានហ្វឹកហាត់ចម្រុះនៃកងពលតូចមួយរបស់ប្រទេសកម្ពុជា ។
លោក Zhou Songhe មេបញ្ជាការរងនៃកងទ័ពជើងគោកនៃកងទ័ពរំដោះប្រជាជនចិន លោក Xiong bo ឯកអគ្គរដ្ឋទូតចិនប្រចាំនៅកម្ពុជានិងសម្តេច ទៀបាញ់ ឧបនាយករដ្ឋមន្ត្រីនិងជារដ្ឋមន្ត្រីក្រសួងការពារជាតិនៃប្រទេសកម្ពុជាបានថ្លែងសុន្ទរកថាដោយឡែកពីគ្នាក្នុងពិធីបិទបញ្ចប់លំហាត់នេះ ។
លោក Zhou Songhe បានថ្លែងថា លំហាត់លើកនេះជាឱកាសហ្វឹកហាត់ក្នុងការប្រយុទ្ធជាក់ស្តែងរួមគ្នាដែលកម្រមានសម្រាប់នាយទាហាននិងកូនទាហានរបស់ភាគីទាំងពីរ ហើយកងទ័ពក៏ទទួលបានការហ្វឹកហាត់ដូចការប្រយុទ្ធពិតៗ ។
សម្តេច ទៀបាញ់ បានសំដែងការកោតសរសើរចំពោះកងទ័ពភាគីទាំងពីរក្នុងអំឡុងពេលហ្វឹកហាត់ ហើយបានថ្លែងថា លំហាត់លើកនេះគឺធ្វើឡើងលើមូលដ្ឋានមិត្តភាពនិងសាមគ្គីភាពរវាងកងទ័ពប្រទេសទាំងពីរចិននិងកម្ពុជា ការផ្លាស់ប្តូរសមត្ថភាព ចំណេះដឹងនិងបទពិសោធន៍ គាំទ្រការអភិវឌ្ឍនិងសន្តិភាពក្នុងតំបន់និងពិភពលោកតាមរយៈកិច្ចសហប្រតិបត្តិការកាន់តែជិតស្និទ្ធ ។
