ទាក់ដៃកសាងអង្គភាពរួមផ្នែកវាសនារវាងចិននិងអាស៊ាន
សុន្ទរកថារបស់លោក ស៊ី ជីង ភីង ថ្លែងនៅរដ្ឋសភាប្រទេសឥណ្ឌូនេស៊ី
លោក ស៊ី ជីន ភីង ប្រធានាធិបតីនៃសាធារណរដ្ឋប្រជាមានិតចិន
លោក លោកស្រី និងមិត្តភ័ក្ត៖
ជំរាបសួរ! ថ្ងៃនេះ ខ្ញុំមានឱកាសមកដល់រដ្ឋសភានៃប្រទេសឥណ្ឌូនេស៊ី ហើយជួបជុំគ្នាជាមួយមិត្តភ័ក្តគ្រប់រូប ខ្ញុំរីករាយសប្បាយណាស់ ។
តាមសេចក្តីអញ្ជើញរបស់លោក សូស៊ីលូ ប្រធានាធិបតីឥណ្ឌូនេស៊ី ខ្ញុំបានបំពេញទស្សនកិច្ចនៅឥណ្ឌូនេស៊ី ដែលត្រូវគេហោះថា "ប្រទេសមាន១ ពាន់កោះ" ។ នេះជាចំណតទីមួយរបស់ដំណើរទស្សនកិច្ចនៅប្រទេសអាស៊ីអគ្នេយ៍របស់ខ្ញុំលើកនេះ ជាដំណើរបន្តទំនាក់ទំនងមេត្រីភាពតទៅថ្ងៃក្រោយ ក៏ជាដំណើរផ្នែកផែនការនិងកិច្ចសហប្រតិបត្តិការដែរ ។
ជាបឋម សូមខ្ញុំតំណាងរដ្ឋាភិបាលនិងប្រជាជនចិន ហើយតាំងនាមខ្លួនខ្ញុំសូមថ្លែងការសួរសុខទុក្ខដ៏ស្មោះ និងជូនពរដ៏ល្អប្រសើរចំពោះប្រជាជនឥណ្ឌូនេស៊ី ដែលជាបងប្អូនយើង ។
២០ ឆ្នាំមុន ខ្ញុំធ្លាប់បានមកដល់ប្រទេសឥណ្ឌូនេស៊ីបំពេញទស្សនកិច្ច បានចាប់អារម្មណ៍ស្ថានការណ៍អភិវឌ្ឍន៍ ព្រមទាំងធម្មជាតិនិងវប្បធម៌ដ៏សម្បូរបែបរបស់ឥណ្ឌូនេស៊ី ។ ២០ ឆ្នាំបានកន្លងហួសឆាប់រហ័ស ប៉ុន្តែស្ថានភាពនាពេលនោះគឺហាក់ដូចជាកើតនៅមិស្សិលមិញ ដល់ថ្ងៃនេះនៅតែអាចបង្ហាញពីមុខបាន ។ ដើរជាន់លើដីដ៏ស្អាតនេះម្តងទៀត ខ្ញុំបានកាន់តែចាប់អារម្មណ៍នូវកម្លាំងរស់រវើកដ៏ខ្លាំងនៃទំនាក់ទំនងរវាងប្រទេសទាំងពីរដោយស៊ីជម្រៅ ហើយកាន់តែចាប់អារម្មណ៍នូវមិត្តភាពដ៏ស៊ីជម្រៅរបស់ប្រជាជនប្រទេសទាំងពីរ ។
ប៉ុន្មានឆ្នាំកន្លងមកនេះ ក្រោមការដឹកនាំរបស់លោកប្រធានាធិបតី សូស៊ីឡូ ប្រជាជនឥណ្ឌូនេស៊ីបានសាមគ្គីគ្នា ខំប្រឹងប្រែង បង្កើតសភាពការណ៍ដ៏ល្អប្រសើរ ដែលសេដ្ឋកិច្ចអភិវឌ្ឍន៍ សង្គមមានស្ថិរភាព កម្លាំងជាតិបានវិវឌ្ឍន៍ឡើងជារៀងរហូត ។ ខ្ញុំសូមជូនពរដ៏ស្មោះចិត្តចំពោះប្រជាជនឥណ្ឌូនេស៊ី ពឹងផ្អែកដោយការខិតខំនិងបញ្ញារបស់ខ្លន បង្កើតអនាគតដ៏កាន់តែល្អបវរឥតឈប់ឈរ ។
លោកលោកស្រីនិងមិត្តភ័ក្តទាំងឡាយ!
ប្រទេសចិននិងឥណ្ឌូនេស៊ីអាចមើលពីគ្នាឆ្លងសមុទ្រ ទំនាក់ទំនងមេត្រីភាពរវាងប្រទេសទាំងពីរមានប្រវត្តិកសាស្ត្រយូរអង្វែង ក្នុងដំណើរការទៅមករកគ្នាជាយូរលងមកហើយ ប្រជាជនប្រទេសទាំងពីរបាននិទានតន្ត្រីនពិរោះនៃការទាក់ទងគ្នានិងផ្សំគ្នាជាច្រើនបទ ។ ដូចការរៀបរាប់ក្នុងបទចម្រៀងស៊ីវិលឥណ្ឌូនេស៊ីឈ្មោះ «ទន្លេសូឡូដ៏ស្អាត» ដែលរាល់គ្រួសារនៅប្រទេសចិនសុទ្ធតែស្គាល់ថា "ប្រភពរបស់អ្នកមកពីសូឡូ ភ្នំច្រើនកុះករជូនអ្នកឈានទៅមុខ រលកទន្លេហូរទៅទិសឆ្ងាយ រហូតហូរចូលសមុទ្រ" ។ ការអភិវឌ្ឍន៍នៃទំនាក់ទំនងរវាងចិននិងឥណ្ឌូនេស៊ី គឺដូចទន្លេសូឡូដ៏ស្អាត ឆ្លងភ្នំច្រើនកុះករឆ្ពោះទៅកាន់សមុទ្រ បានដើរដំណើរការមិនសាមញ្ញទេ ។
នៅសន្តិវង្សHanប្រទេសចិន ដែលជាង ២០០០ ឆ្នាំមុន ប្រជាជនប្រទេសទាំងពីរបានពុះពារឧបសគ្គនៃសមុទ្រ បើកទ្វារទាក់ទងគ្នា ។ នៅដើមសតវត្សរ៍ទី ១៥ លោក Zheng He នាវិកល្បីឈ្មោះនាសន្តិវង្សMingប្រទេសចិន បានធ្វើនាវាចរណ៍ ៧ លើកទៅសមុទ្រខាងលិច រាល់លើកសុទ្ធតែទៅដល់ប្រជុំកោះឥណ្ឌូនេស៊ី បានទៅដល់ឈ្វារ ស៊ូមង់ត្រា កាលីម៉ានដានជាដើម បានទុកបានប្រវត្តិសាស្ត្រដ៏ល្អប្រសើរនៃការទាក់ទងគ្នារវាងប្រជាជនប្រទេសទាំងពិរ ដល់ថ្ងៃនេះសុទ្ធតែត្រូវចាំបាន ។
រាប់រយឆ្នាំកន្លងមក សមុទ្រដ៏ធំធេននិងឆ្ងាយមិនបានក្លាយជាឧបសគ្គរបស់ការទាក់ទងគ្នារវាងប្រជាជនប្រទេសទាំងពីរ ផ្ទុយទៅវិញ បានក្លាយជាស្ពានមេត្រីភាពដែលរឹតចងប្រជាជនប្រទេសទាំងពីរ ។ ក្រុមនាវាដែលដឹកជញ្ជូនទំនិញនិងភ្ញៀវទេសចរណ៍ប្រទេសទាំងពីរដោយពេញលេញបានទៅមកគ្នា ផ្លាស់ប្តូរគ្នា និងផ្ញើរមិត្តភាព ។ ប្រលោមលោកប្រពៃណីល្បីឈ្មោះមានចំណងជើងថា«រឿងសេលា»បានរៀបរាប់ដោយល្អិតល្អំនូវសម្បាត្តិពិសេសនៅកោះចាវា រីឯសារមន្ទីរជាតិឥណ្ឌូនេស៊ីបានពិព័រណ៍ប្រដាប់ព័រសឺឡែនបូរាណប្រទេសចិន ។ នេះជានិមិត្តរូបរស់រវើកដែលប្រជាជនប្រទេសទាំងពីរទាក់ទងគ្នាដោយមេត្រីភាព ជាការពន្យល់ដ៏ពិតប្រាកដនូវកំណាព្យ"នៅពិភពលោកថិតមានមិត្តល្អ មិនថានៅទីណាសុទ្ធតែដូចនៅក្បែរជិត" ។
ក្នុងដំណើរប្រវត្តិសាស្ត្រដែលតស៊ូក្តាប់ជាប់ជនជាតិឯករាជ្យនិងរំដោះនៅតសវត្សរ៍មុន ប្រជាជនប្រទេសទាំងពីរបានអាណិតគ្នា និងគាំទ្រគ្នាជានិច្ចជាកាល ។ បន្ទាប់ពីប្រទេសចិនថ្មីបានបង្កើតឡើង ប្រទេសឥណ្ឌូនេស៊ីជាប្រទេសមួយដែរ ដែលបានចងសម្ព័ន្ធការទូតជាមួយប្រទេសចិនដោយឆាប់បំផុត ។ នៅឆ្នាំ ១៩៥៥ ប្រទេសចិននិងឥណ្ឌាបានទាក់ដៃសហការគ្នាជាមួយប្រទេសអាស៊ីអាហ្វ្រិកឯទៀត រួមគ្នាផ្តើមគំនិតនូវស្មរតីវ៉ាឡុង ដែលមានរាប់អានគ្នាដោយសន្តិភាព ស្វែងរកការដូចគ្នា និងថិតមានការប្លែកគ្នាជាស្នូលក្នុងសន្និសីទវ៉ានឡុង ។ មកដល់ថ្ងៃនេះ ស្មារតីវ៉ានឡុងនៅតែជាបទដ្ឋានសំខាន់នៃការទាក់ទងគ្នារវាងប្រទេសនិងប្រទេស បានរួមវិភាគទានប្រវត្តិសាស្ត្រដែលមិនអាចលុបបាន ដើម្បីជំរុញកសាងទំនាក់ទំនងអន្តរជាតិបែបថ្មី ។ ប្រទេសចិននិងឥណ្ឌូនេស៊ីបានសម្រេចការរៀបចំសម្ព័ន្ធការទូតឡើងវិញនៅឆ្នាំ ១៩៩០ ហើយនាឆ្នាំ ២០០៥បានបង្កើតទំនាក់ទំនងដៃគូយុទ្ធសាស្ត្រ ទំនាក់ទំនងប្រទេសទាំងពីរបានឈានចូលគ្រាសអភិវឌ្ឍន៍ថ្មីពីពេលនេះ ។
លោកលោកស្រីនិងមិត្តភ័ក្ត!
ក្នុងអំឡុងពេលបំពេញទស្សនកិច្ចលើកនេះ ខ្ញុំនិងលោកប្រធានាធិបតីស៊ូស៊ីឡូនឹងប្រកាសជាមួយគ្នា លើកកម្ពស់ទំនាក់ទំនងរវាងចិននិងឥណ្ឌាជាទំនាក់ទំនងដៃគូយុទ្ធសាស្ត្រគ្រប់ជ្រុងជ្រោយ គឺដើម្បីធ្វើឲ្យទំនាក់ទំនងប្រទេសទាំងពីរតភ្ជាប់ពីមុនវិវឌ្ឍន៍ទៅអនាគត ហើយវិវឌ្ឍន៍ទៅមុខដោយស៊ីជម្រៅទាំងស្រុង ។
បច្ចុប្បន្ននេះ ការជឿទុកចិត្តរវាងប្រទេសទាំងពីរបានស៊ីជម្រៅឥតឈប់ឈរ មូលដ្ឋាននយោបាយនៃទំនាក់ទំនងទ្វេភាគីកាន់តែរឹងមាំ ។ វិស័យនៃកិច្ចសហប្រតិបត្តិការជាក់ស្តែងរវាងប្រទេសទាំងពីរគឺកាន់តែទូលំទូលាយ មិនគ្រាន់តែមានវិស័យប្រពៃណីដូចជាសេដ្ឋកិច្ចពាណិជ្ជកម្ម ហិរញ្ញវត្ថុ ហេដ្ឋារចនាសម្ព័ន្ធ ថាមពលនិងធនធាន និងរបរផលិតកម្មជាដើម ថែមទាំងក៏បានពង្រីកដល់កិច្ចសហប្រតិបត្តិការក្នុងវិស័យថ្មី ដូចជាអាវកាស និងលើសមុទ្រជាដើម អាចថា គឺ"ឡើងលើមេឃ" "ចុះទៅសមុទ្រ" បានផ្តល់ផលប្រយោជន៍ជាក់ស្តែងដល់ប្រជាជនប្រទេសទាំងពីរ ហើយបានតាំងគំរូសម្រាប់កិច្ចសហប្រតិបត្តិការមេត្រីភាពរវាងប្រទេសនិងប្រទេស ។
ស្ពានស៊ឺស៊ា-ម៉ាឡាឌូ ដែលចិននិងឥណ្ឌូនេស៊ីស្ថាប័នាជាមួយគ្នា ជាស្ពានឆ្លងសមុទ្រវែងជាងគេនៅអាស៊ីអគ្នេយ៍បច្ចុប្បន្ននេះ ទំនប់ ចាឌីកឺឌេ ដែលសហការកសាងជិតនឹងសម្រេចនឹងស្រោចទំហំដី ៩ ហេដា នឹងផ្តល់ការងាយស្រួលធំធេងសម្រាប់ជីវភាពនិងផលិតរបស់ប្រជាជននៅនឹងតំបន់ ។ កិច្ចសហប្រតិបត្តិការក្នុងកិច្ចការអន្តរជាតិនិងតំបន់ដ៏ធំសំខាន់រវាងចិននិងឥណ្ឌូនេស៊ីបានត្រូវបង្កើនឥតឈប់ឈរ ទំនាក់ទំនងប្រទេសទាំងពីរបានកាន់តែមានកម្លាំងឥទ្ធិពលក្នុងតំបន់និងពិភពលោក ហើយមានអត្ថន័យសកម្មចំពោះការកសាងរបៀបរៀបរយថ្មីនៃនយោបាយនិងសេដ្ឋកិច្ចអន្តរជាតិ ដែលកាន់តែមានយុត្តិធម៌និងសមហេតុផល ។
ការទាំងអស់នេះសុទ្ធតែសុទ្ធតែអាចថាជានិមិត្តរូបសំខាន់នៃទំនាក់ទំនងមេត្រីភាពរវាងចិននិងឥណ្ឌូនេស៊ី ។
ប្រជាជនឥណ្ឌូនេស៊ីតែងតែនិយាយថា ប្រាក់ងាយទទួលបាន មិត្តភ័ក្តពិបាកស្វែងរក ។ មិត្តភាពដ៏ស្មោះរបស់ប្រជាជនប្រទេសទាំងពីរគឺជាត្រាព្យសម្បត្តិដែលចំណាយប្រាក់ច្រើនគឺពិបាកស្វែងរកបានទេយ៉ាងនេះ ។
ថ្ងៃទី ២៦ ខែធ្នូ ឆ្នាំ២០០៤ មហាសមុទ្រឥណ្ឌាដ៏ស្ងាមស្រាប់តែកើតរញ្ជួយដីខ្លាំងដែលមានរីច្ទី៩ ថ្នាក់ ហើយបានបណ្តាលឲ្យមានស៊ូណាមីដ៏មានទ្រង់ទ្រាយធំ ខេត្តយ៉ាជេឥណ្ឌូនេស៊ីបានរងការខូចខាតជីវិតនិងត្រព្យសម្បត្តិធំសម្បើម ពិភពលោកបានរំជួលចិត្ត ។ បន្ទាប់ពីស៊ូណាមីបានកើតមានឡើង ប្រទេសចិនបានចាប់ផ្តើមយន្តការទប់ទល់ជាបន្ទាន់ ថ្ងៃដដែលគឺប្រកាសថាផ្តល់ជំនួយឧបត្ថម្ភដល់ប្រទេសរងគ្រោះរួមមានឥណ្ឌូនេស៊ី ធ្វើប្រតិបត្តិកម្មជួយឧបត្ថម្ភចំពោះក្រៅប្រទេសមួយលើក ដែលមានទ្រង់ទ្រាយធំបំផុតបន្ទាប់ពីប្រទេសចិនថ្មីបានបង្កើតឡើង ។ នៅប្រទេសចិន ពីរោងចក្រដលព្រលានយន្តហោះ សំភារៈជួយឧបត្ថម្ភបានដំណើរដោយស្រួល យន្តហោះនិមួយៗបានដឹកចិត្តស្នេហ៍របស់ប្រជាជនចិនហោះទៅតំបន់រងគ្រោះ ។ ក្រុមជួយឧបត្ថម្ភអន្តរជាតិចិនជាក្រុមជួយឧបត្ថម្ភអន្តរជាតិទីមួយដែលទៅដល់យ៉ាជេ ក្នុងអំឡុងពេល ១៣ ថ្ងៃខ្លី បានជួយសង្គ្រោះមហាជនរងគ្រោះជាង ១ ម៉ឺននាក់ ។ មហាជននៅនឹងតំបន់ជួបគេ មានច្រើននាក់រៀនចេះនិយាយភាសាចិនថា "ចិន ប៉េកាំង ខ្ញុំស្រឡាញ់អ្នក ។"
ប្រជាជនចិនក៏បានសំដែងការសួរសុក្ខទុកនិងផ្តល់ជំនួយដល់ប្រជាជនរងគ្រោះនៃឥណ្ឌូនេស៊ីតាមរូបភាពគ្រប់បែបយ៉ាងដែរ ។ នៅទីក្រុង Hang Zhouប្រទេសចិនមានមនុស្សវ័យចាស់មួយរូប ថ្វីត្បិតតែគ្រួសារខ្លួនមិនសូវមានធូរធា ប្រពន្ធបានស្នាក់នៅមន្ទីរពេទ្យយូរអង្វែង ហើយខ្លួនលោកក៏បានទើបតែធ្វើការវះកាត់ក៏ដោយ ក៏ដើម្បីធ្វើឲ្យក្មេងៗនៅតំបន់រងគ្រោះឥណ្ឌូនេស៊ីអាចបន្តចូលរៀនតទៅទៀត លោកបានបរិច្ចាកប្រាក់ចំនួន១០០០យាន់ប្រាក់ចិនដែលខ្លួនសន្សំទុកយ៉ាងលំបាក។ ពិតមែនតែលុយមិនសូវច្រើនមែន ក៏នេះបានបង្ហាញយ៉ាងពេញលេញនូវមនោសញ្ចេតនាយ៉ាងជ្រាលជ្រៅរបស់ប្រជាជនចិនចំពោះប្រជាជនឥណ្ឌូនេស៊ី។
ដូចគ្នាដែរ ក្នុងពេលដែលប្រជាជនចិនបានជួបប្រទះគ្រោះមហន្តរាយធម្មជាតិដ៏ខ្លាំងប្រជាជនឥណ្ឌូនេស៊ីក៏បានផ្តល់ជំនួយផងដែរ។កាលពីថ្ងៃទី១២ខែឧសភា ឆ្នាំ២០០៨ ស្រុកវឹនឈួនប្រទេសចិនបានកើតគ្រោះរញ្ជួយដីដ៏ខ្លាំងពិសេស ប្រជាជនក្នុងតំបន់រងគ្រោះត្រូវការការជួយសង្រ្គោះជាបន្ទាន់។ ប្រទេសឥណ្ឌូនេស៊ីបានផ្តល់ការជួយឧបត្ថម្ភដល់ប្រជាជនចិនភ្លាម បានចាត់ក្រុមព្យាបាលរោគទៅកាន់តំបន់រងគ្រោះ។ បន្ទាប់ពីបានទៅដល់តំបន់រងគ្រោះ ក្រុមព្យាបាលរោគឥណ្ឌូនេស៊ីមិនអើពើនឹងគ្រោះថ្នាក់នៃការរញ្ជួយដីសំណល់ ធ្វើការទាំងថ្ងៃទាំងយប់ បានព្យាបាលអ្នករងគ្រោះចំនួន២៦០នាក់ ហើយផ្តល់ការព្យាបាលរោគដោយមិនយកថ្លៃដល់ប្រជាជន៨៤៤នាក់និងកូនសិស្ស១២០នាក់។ក្រៅពីនេះ មុននឹងត្រឡប់ទៅប្រទេសវិញ សមាជិកក្រុមព្យាបាលរោគឥណ្ឌូនេស៊ីបានបរិច្ចាកប្រាក់តាមខ្លួនទាំងអស់ដល់តំបន់រងគ្រោះ។ប្រជាជនឥណ្ឌូនេស៊ីក៏ស្ម័ចិត្តបរិច្ចាកប្រាក់និងសម្ភារៈដល់តំបន់រងគ្រោះរញ្ជួយដីវឹនឈួន មានខ្លះធ្វើដំណើរជាពិសេសទៅដល់ស្ថានទូតចិនប្រចាំនៅឥណ្ឌូនេស៊ី ដើម្បីសំដែងការបួនសួននិងការជូនពររបស់គេទាំងឡាយ។ទង្វើរបស់ប្រជាជនឥណ្ឌូនេស៊ីគួរឲ្យប្រជាជនចិនរំភើបចិត្តយ៉ាងខ្លាំង។
រឿងដូចពោលខាងលើនេះមានយ៉ាងច្រើនឥតឧបមាក្នុងការទៅមករកគ្នាដ៏មេត្រីភាពរវាងប្រជាជនប្រទេសទាំងពីរ ហើយវាបញ្ជាក់យ៉ាងពេញលេញនូវពាក្យទំនាមដែលចិននិងឥណ្ឌូនេស៊ីសុទ្ធតែមាននោះគឺចិត្តមួយថ្លើមមួយ។
លោក លោកស្រី អ្នកនាង កញ្ញានិងមិត្តភក្ត័ទាំងឡាយៈ
ឆ្នាំនេះគាប់ជួននឹងខួបទី១០នៃការបង្កើតទំនាក់ទំនងជាដៃគូយុទ្ធសាស្ត្ររវាងចិននិងអាស៊ាន ទំនាក់ទំនងរវាងចិននិងអាស៊ានកំពុងឈរលើទីចាប់ផ្តើមនៃប្រវត្តសាស្រ្តថ្មី។
ភាគីចិនយកចិត្តទុកដាក់កម្រិតខ្ពស់នូវឋានៈនិងឥទ្ធិពលក្នុងអាស៊ានរបស់ឥណ្ឌូនេស៊ីរីករាយរួមធ្វើការខិតខំប្រឹងប្រែងជាមួយឥណ្ឌូនេស៊ីនិងប្រទេសអាស៊ានផ្សេងទៀត ធ្វើឲ្យភាគីទាំងពីរក្លាយទៅជាអ្នកជិតខាងល្អ មិត្តភក្ត័ល្អនិងដៃគូល្អដែលរួមរស់នៅដោយចិត្តមួយថ្លើមមួយ គៀកស្មាគ្នាកសាងអង្គភាពរួមនៃជោគវេសនារវាងចិននិងអាស៊ានដ៏មានភាពកាន់តែជិតស្និទិ នាំមកនូវសុភមង្គលកាន់តែច្រើនដល់ភាគីទាំងពីរនិងប្រជាជនតំបន់នេះ។
ហេតុនេះហើយបានជាជាំសំខាន់យើងខ្ញុំត្រូវធ្វើការខិតខំប្រឹងប្រែងពីវិស័យដូចតទៅៈ
ទី១ ប្រកាន់ខ្ជាប់ភាពស្មោះត្រង់និងកសាងទំនាក់ទំនងសុខដុំរមនា។ប្រទេសចិនរីករាយរួមរស់នៅដោយស្មោះត្រង់និងមេត្រីភាពជាមួយប្រទេសអាស៊ាន ពង្រឹងឥតឈប់ឈរការជឿទុកចិត្តគ្នាទៅវិញទីមកផ្នែកនយោបាយនិងយុទ្ធសាស្ត្រ។
នៅលើពិភពលោក អត់មានរូបមន្តអភិវឌ្ឍន៍ណាមួយដែលអាចសមស្របនឹងប្រទេសទាំងអស់ ហើយក៏អត់មានផ្លូវអភិវឌ្ឍន៏ដែលមិនបានកែប្រែនោះទេ។ ប្រជាជនចិននិងអាស៊ានធ្វើកំណែទម្រង់និងឆ្នៃប្រឌិតថ្មីយ៉ាងអង់អាចក្លាហាន ស្វែងរកនិងត្រួសត្រាយផ្លូវអភិវឌ្្ឍន៍ដែលសមស្របនិងចរន្ត័យុគសម័យនិងការពិតជាក់ស្តែងរបស់ខ្លួន ហើយបានតាំងមូលដ្ឋានសម្រាប់អនាគតដ៏ទូលំទូលាយនៃការអភិវឌ្ឍន៍ខាងសេដ្ឋកិច្ចនិងសង្គម។
យើងគួរតែគោរពគ្នានូវសិទិ្ធដែលជ្រើសរើសដោយម្ចាស់ការរបបសង្គមនិងផ្លូវអភិវឌ្ឍន៍គោរពការស្វែងរកនិងប្រតិបត្តិការជាក់ស្តែងរៀងៗខ្លួនក្នុងការជំរុញការអភិវឌ្ឍន៍សេដ្ឋកិច្ចនិងសង្គមនិងកែលំអជីវភាពប្រជាជន ហើយគាំទ្រគ្នាទៅវិញទៅមកក្នុងបញ្ហាដែលគូខាងម្ខាងយកចិត្តទុកដាក់យ៉ាងខ្លាំង ក្តាប់ជាប់ទិសដៅធំនៃកិច្ចសហប្រតិបត្តិការជាយុទ្ធសាស្ត្ររវាងចិននិងអាស៊ាន។
ប្រទេសចិនរីករាយពិគ្រោះពិភាក្សាជាមួយប្រទេសអាស៊ានដើម្បីចុះហត្ថលេខាលើសន្ធិសញ្ញាមិត្តភាពសុខដុំរមនា រួមគ្នាគូរគំនរដ៏ល្អបវរនៃភាពរាប់អានសុខដុំរមនា។ ប្រទេសចិននឹងធ្វើដូចមុនៗទៀត គាំទ្រអាស៊ានរីកលូតលាស់និងធំធាត់ឡើង គាំទ្រកិច្ចកសាងអង្គភាពរួមអាស៊ាន គាំទ្រអាស៊ានឲ្យពង្រីកតួនាទីដ៏សំខាន់ក្នុងកិច្ចសហប្រតិបត្តិការតំបន់។
ទី២ ប្រកាន់ខ្ជាប់កិច្ចសហប្រតិបត្តិការនិងឈ្នះៗ។ ប្រទេសចិនរីករាយពង្រីកធំការបើកចំហរចំពោះប្រទេសអាស៊ានលើមូលដ្ឋានស្មើភាពនិងមានផលប្រយោជន៍ដល់គ្នាទៅវិញទៅមក ធ្វើឲ្យការអភិវឌ្ឍន៍របស់ខ្លួនឯងអាចកាន់តែអនុគ្រោះដល់ប្រទេសអាស៊ាន។ប្រទេសចិនរីករាយលើកកំពស់កម្រិតនៃតំបន់ពាណិជ្ជកម្មសេរីចិននិងអាស៊ាន ខិតខំប្រឹងប្រែងឲ្យចំនួនប្រាក់ពាណិជ្ជកម្មទ្វេភាគីឡើងដល់១លានលានដុល្លារអាមេរិកក្នុងឆ្នាំ២០២០
ប្រទេសចិនខិតខំប្រឹងប្រែងក្នុងការបង្កើនកិច្ចកសាងការទៅមករកគ្នាជាមួយប្រទេសអាស៊ាន នឹងផ្តើមគំនិតរៀបចំបង្កើតធនាគារវិនិយោគទុនខាងហត្ថារចនាសម្ព័ន្ធអាស៊ី។
តាំងពីដើមមក តំបន់អាស៊ីអាគ្នេយ៍ក៏ជាតំបន់ដ៏សំខាន់ជាទីបំផុតនៃផ្លូវព្រែសូត្រលើសមុទ្រ។ប្រទេសចិនរីករាយបង្កើនកិច្ចសហប្រតិបត្តិការលើសមុទ្រជាមួយប្រទេសអាស៊ានហើយប្រើប្រាស់ឲ្យបានល្អនូវមូលនិធីអំពីកិច្ចសហប្រតិបត្តិការលើសមុទ្ររវាងចិននិងអាស៊ានដែលរដ្ឋាភិបាលចិនបានបង្កើតនោះ ពង្រីកទំនាក់ទំនងជាដៃគូសហប្រតិបត្តិការលើសមុទ្រឲ្យបានល្អ រួមគ្នាកសាងផ្លូវព្រែសូត្រលើសមុទ្រសតវត្សន៍ទី២១។ ប្រទេសចិនរីករាយឆ្លងតាមរយៈការពង្រីកធំកិច្ចសហប្រតិបត្តិការជាក់ស្តែងលើគ្រប់វិស័យជាមួយប្រទេសអាស៊ាន បង្កើនការទៅមករកគ្នា ប៉ះពូវគ្នាការមានប្រៀប រួមជាមួយប្រទេសអាស៊ានទទួលការសាកល្បង ដើម្បីសម្រេចការអភិវឌ្ឍន៍ជាមួយគ្នានិងភាពចំរុងចំរើនជាមួយគ្នា។
ទី៣ ប្រកាន់ខ្ជាប់ការជួយគ្នាទៅវិញទៅមក។ ប្រទេសចិននិងអាស៊ានសុទ្ធតែមានកាតព្វកិច្ចគាំពារសន្តិភាពនិងស្ថិរភាពតំបន់។ក្នុងប្រវត្តិសាស្ត្រ ប្រជាជនចិននិងអាស៊ានធ្លាប់គៀកស្មាប្រយុទ្ធជាមួយគ្នាក្នុងការតស៊ូពាក់ព័ន្ធដល់ជោគវាសនារបស់ប្រជាជាតិ។ប៉ុន្មានឆ្នាំកន្លងទៅនេះ ពីការតទល់នឹងវិបត្តិហិរញ្ញវត្ថុអាស៊ីដល់ការតទល់នឹងវិបត្តិហិរញ្ញវត្ថុអន្តរជាតិ ពីការទប់ទល់នឹងគ្រោះរលកសូណាមីនៃមហាសមុទ្រឥណ្ឌាដល់ការទប់ទល់នឹងគ្រោះរញ្ជួយដីដ៏ធំពិសេសវឹនឈួនប្រទេសចិន ប្រជាជនប្រទេសនានាសាមគ្គីគ្នាជាធ្លុងមួយកកើតទៅជាកម្លាំងប្រមូលផ្តុំយ៉ាងខ្លាំង។
យើងគួរតែលុបចោលគំនិតនៃសង្រ្គាមត្រជាក់ ខ្នះខ្នែងផ្តើមគំនិតញាណទស្សនៈថ្មីស្តីពីសន្តិសុខចម្រុះ សន្តិសុខរួមនិងសន្តិសុខកិច្ចសហប្រតិបត្តិការ រួមគ្នាគាំពារសន្តិសុខនិងស្ថេភាពតំបន់។យើងគួរតែធ្ចើឲ្យកិច្ចសហប្រតិបត្តិការខាងវិស័យបង្ការនិងជួសង្រ្គោះគ្រោះមហន្តរាយ សន្តិសុខបណ្តាញអឹនធឺណែត ការបង្រ្កាបបទឧក្រិដ្ឋកម្មឆ្លងដែននិងការរួមគ្នាប្រតិបត្តិច្បាប់ឲ្យកាន់តែស៊ីជម្រៅ បង្កបង្កើតភូមិស្រុកកាន់តែមានសន្តិភាព កាន់តែមានភាពសុខសាន្តត្រានដល់ប្រជាជនតំបន់នេះ។
ប្រទេសចិនរីករាយកែលំអយន្តការសន្និសីទរដ្ឋមន្រ្តីការពារជាតិរវាងចិននិងអាស៊ានថែមមួយកម្រិតទៀតជាមួយប្រទេសអាស៊ាន ធ្វើការសន្ទនាគ្នាតាមពេលកំណត់អំពីបញ្ហាសន្តិសុខតំបន់។
សំដៅចំពោះការខ្វែងមតិនិងការវិវាទផ្នែកអធិបតេយ្យភាពដែនដីនិងសិទិ្ធនិងផលប្រយោជន៍សមុទ្ររវាងចិននិងប្រទេសអាំស៊ីអាគ្នេយ៍ខ្លះ ភាគីទាំងពីរត្រូវតែប្រកាន់ខ្ជាប់ការ
ដោះស្រាយដោយសមរម្យនិងសន្តិវិធីតាមការសន្ទនាដោយស្មើភាពនិងការពិគ្រោះពិភាក្សាដ៏មេត្រីភាព ហើយគាំពារទំនាក់ទំនងភាគីទាំងពីរនងសភាពការណ៍ទូទៅនៃស្ថិរភាពតំបន។
ទីបួន ប្រកាន់ខ្ជាប់នូវការបង្កើនមិត្តភាពរវាងគ្នានិងគ្នា ។ ដើមឈើធំប៉ុនណា ក៏ដុះពី
តូចទៅធំ អគារខ្ពស់ប៉ុនណា ក៏សាងសង់ពីលើដីដែរ ។ ការរក្សាមិត្តភាពរវាងប្រទេសចិននិងអាស៊ានឲ្យថិតថេរចីកាល ចាំបាច់ត្រូវតែពង្រឹងមូលដ្ឋានសង្គមនៃទំនាក់ទំនងភាគី
ទាំងពីរ ។ នៅឆ្នាំទៅមិញ ប្រទេសចិននិងអាស៊ានមានបុគ្គលដែលទៅមករកគ្នាចំនួន១៥
លាននាក់ រាល់សប្តាហ៍មានជើងយន្តហោះជាង ១០០០ ហោះទៅមកពីប្រទេសចិននិងអាស៊ាន ។ មានតែមានការប្រាស្រ័យទាក់ទងគ្នាកាន់តែច្រើន មានមនោសញ្ចេតនាកាន់តែជ្រាលជ្រៅ ចិត្តនិងចិត្តទើបកាន់តែខិតជិត ។
យើងត្រូវតែជំរុញការផ្លាស់ប្តូរដ៏មេត្រីភាពរវាងយុវជន ឃ្លាំងបញ្ញា រដ្ឋសភា អង្គការក្រៅរដ្ឋាភិបាល និងក្រុមសង្គមជាដើម ដើម្បីផ្តល់ការគាំទ្រខាងប្រាជ្ញបញ្ញាកាន់តែច្រើនដល់ការអភិវឌ្ឍន៍នៃទំនាក់ទំនងរវាងចិននិងអាស៊ាន បង្កើនការយល់ដឹងនិងមិត្តភាព
រវាងប្រជាជនប្រទេសទាំងពីរ ។ ប្រទេសចិនរីករាយចិត្តចាត់បញ្ជូនអ្នកស្ម័គ្រចិត្តកាន់តែច្រើនទៅកាន់សម្ព័ន្ធអាស៊ាន គាំទ្រការអភិវឌ្ឍន៍នៃបុព្វហេតុក្នុងវិស័យវប្បធម៌ ការអប់រំ សុខាភិបាល និងការព្យាបាលជំងឺជាដើម ។ ប្រទេសចិនផ្តួចផ្តើមឲ្យចាត់ទុកឆ្នាំ ២០១៤ជាឆ្នាំផ្លាស់ប្តូរវប្បធម៌រវាងចិននិងអាស៊ាន ។ ក្នុងរយៈពេល៣ដល់៥ ឆ្នាំខាងមុខនេះ ប្រទេសចិននឹងផ្តល់ចំនួនមនុស្សដែលទទួលអាហារូបករណ៍រដ្ឋាភិបាល ១ ម៉ឺន ៥ ពាន់នាក់ ដល់ប្រទេសអាស៊ាន ។
ទីប្រាំ ប្រកាន់ខ្ជាប់នូវការបើកទូលាយនិងអធ្យាស្រ័យ ។ សមុទ្រអាចទទួលបាននូវទន្លេ បឹងបួ រាប់រយបាន មានការអធ្យាស្រ័យទើបមានចំណុះធំ។ក្នុងដំណើរប្រវត្តិសាស្រ្តដ៏យូរអង្វែង ប្រជាជនចិននិងអាស៊ានបានបង្កើតនូវអរិយធម៌ដ៏ត្រចះត្រចង់ដែលសម្បូរបែប និងមានឈ្មោះល្បីលើលោក ។ កន្លែងនេះជាតំបន់ដែលមានលក្ខណៈច្រើនបែបយ៉ាង អរិយធម៌គ្រប់បែបយ៉ាងបានរួមបញ្ចូលគ្នានិងវិវត្តន៍ក្រោមឥទ្ធិពលរបស់
ពហុវប្បធម៌ បានបង្កើតមូលដ្ឋានវប្បធម៌ដ៏សំខាន់សម្រាប់ប្រជាជនចិននិងអាស៊ានក្នុងការរៀនពីគ្នានិងគ្នា ក្រេបយកបទពិសោធន៍ទៅវិញទៅមក និងជំរុញគ្នា ។
យើងត្រូវតែសកម្មរៀនបទពិសោធន៍អំពីការអភិវឌ្ឍន៍របស់តំបន់ផ្សេងទៀត ស្វាគមន៍ប្រទេសក្នុងតំបន់ផ្សេងទៀតដើរតួនាទីដែលមានលក្ខណៈកសាងក្នុងការជំរុញការ
អភិវឌ្ឍន៍និងការរក្សាស្ថិរភាពក្នុងតំបន់នេះ ។ ព្រមពេលជាមួយគ្នានេះ ប្រទេសក្នុងតំបន់ផ្េសងទៀតក៏ត្រូវគោរពតាមពហុភាពនៃតំបន់នេះ ធ្វើការងារកាន់តែច្រើនដែលមានអំណោយផលដល់ការជំរុញការអភិវឌ្ឍន៍និងការរក្សាស្ថិរភាពក្នុងតំបន់នេះដែរ ។
សមារហណកម្មវាសនាចិននិងអាស៊ាន មានការពាក់ព័ន្ធជិតស្និទ្ធជាមួយសមាហរណកម្មអាស៊ាន និងសមាហរណក្មអាស៊ីខាងកើត ដូច្នេះ ត្រូវតែបញ្ចេញឧត្តមានុភាពរៀងៗខ្លួន សម្រេចការដែលពហុភាពរួមរស់ជាមួយគ្នា និងការអធ្យាស្រ័យគ្នាទៅវិញទៅមកនិងរួមគ្នារីកចម្រើនទៅមុខ រួមគ្នាបង្កើតសុភមង្គលដល់ប្រជាជនក្នុងតំបន់នេះនិងប្រជាជនរបស់ប្រទេសនានាលើពិភពលោក ។
សមាហរណកម្មវាសនាចិននិងអាស៊ានដែលកាន់តែស្អិតល្មួត សមស្របនឹងចរន្ត
យុគសម័យដែលស្វែងរកសន្តិភាព ស្វែងរកការអភិវឌ្ឍន៍ ជំរុញកិច្ចសហប្រតិបត្តិការ និងសម្រេចការឈ្នះៗគ្នា សមស្របនឹងផលប្រយោជន៍រួមរបស់ប្រជាជនប្រទេសនានាក្នុង
ទ្វីបអាស៊ីនិងលើពិភពលោក មានចន្លោះអភិវឌ្ឍន៍ដ៏ធំល្វឹងល្វើយនិងសក្តានុពល
អភិវឌ្ឍន៍ដ៏ធំសម្បើម ។
លោក លោកស្រី !
ក្នុងរយៈពេលជាង ៦០ ឆ្នាំ តាំងពីប្រទេសចិនថ្មីបង្កើតឡើង ជាពិសេសគឺក្នុងរយៈ
ពេលជាង ៣០ ឆ្នាំ ប្រទេសចិនបានបង្កើតមាគ៌ាអភិវឌ្ឍន៍ដ៏ជោគជ័យមួយ និងបានទទួលស្នាដៃអភិវឌ្ឍន៍ដែលទទួលការយកចិត្តទុកដាក់របស់ពិភពលោក ។ ប្រទេសចិនបានធ្វើការចាត់ចែងជាយុទ្ធសាស្រ្តចំពោះការអភិវឌ្ឍន៍នាពេលអនាគត បានកំណត់ជាជាក់លាក់នូវគោលដៅនៃការតស៊ូប្រយុទ្ធ ពោលគឺរហូតដល់ឆ្នាំ ២០២០ សម្រេចការ
ដែលតម្លៃផលិតផលក្នុងស្រុកសរុបនិងចំណូលគិតជាមធ្យមក្នុងមនុស្សម្នាក់ៗរបស់ប្រជាជនក្នុងទីក្រុងនិងជនបទកើនឡើងទ្វេដង កសាងសង្គមធូរធារដោយគ្រប់ជ្រុងជ្រោយ ។ រហូតដល់ពាក់កណ្តាលសតវត្សរ៍នេះ កសាងរួចនូវប្រទេសទំនើបភាវូបនីយកម្មសង្គមនិយមដែលមានភាពរុងរឿងថ្កុំថ្កើង ប្រជាធិបតេយ្យភាព អរិយធម៌ និងភាពចុះសម្រុង សម្រេចការដែលប្រជាជាតិចិនងើបឡើងវិញដ៏មហិមា ។ នេះជាក្តីបំណងរយៈពេលមួយរយឆ្នាំរបស់ប្រទេសនិងប្រជាជនចិន ហើយក៏ជាល័ក្ខខ័ណ្ឌដ៏ចាំបាច់របស់ប្រទេសចិនសម្រាប់រួមវិភាគទានកាន់តែធំដល់មនុស្សលោកផងដែរ ។
បើចង់បានស្នាដៃខ្ពង់ខ្ពស់ត្រូវតែអាស្រ័យលើការមានឆន្ទះរឹងមាំ បើចង់បានបុព្វហេតុ
កាន់តែច្រើនត្រូវតែអាស្រ័យលើការខិតខំឧស្សាហ៍ព្យាយាម ។ យើងមានជំនឿចិត្ត មានលក្ខណៈសម្បត្តិ មានសមត្ថភាពសម្រាប់សម្រេចគោលដៅនៃការតស៊ូប្រយុទ្ធរបស់យើង ។ ព្រមពេលជាមួយគ្នានេះ យើងក៏បានកត់សម្គាល់យ៉ាងច្បាស់ល្បាស់ថា ប្រទេសចិននៅតែជាប្រទេសកំពុងអភិវឌ្ឍន៍ធំបំផុតលើពិភពលោកដដែល លើផ្លូវឈានទៅមុខ យើងនៅនឹងប្រឈមនឹងការលំបាកនិងការសាកល្បងមិនតិចទេ បើចង់ធ្វើឲ្យប្រជាជនចិនទាំងអស់មានជីវភាពរស់នៅដ៏ល្អប្រសើរ នោះក៏ត្រូវការធ្វើការខិតខំប្រឹងប្រែងរយៈពេលយូរ ។ យើងនឹងប្រកាន់ខ្ជាប់នូវការធ្វើការកែទម្រង់និងបើកចំហដោយមិនងាករេ ប្រកាន់ខ្ជាប់នូវការដើរមាគ៌ាសង្គមនិយមដែលមានលក្ខណៈពិសេសចិន ផ្តោតសំខាន់ទៅលើការធ្វើការងាររបស់ខ្លួនឲ្យបានល្អ ជំរុញការកសាងទំនើបភាវូបនីយកម្មដោយឥតឈប់ឈរ និងលើកស្ទួយកម្រិតជីវភាពរស់នៅរបស់ប្រជាជន ។
ការអភិវឌ្ឍន៍របស់ប្រទេសចិនមិនអាចខ្វះពិភពលោកបានទេ ការអភិវឌ្ឍន៍របស់ពិភពលោកក៏ត្រូវការប្រទេសចិនដែរ ។ ប្រទេសចិននឹងដើរមាគ៌ាអភិវឌ្ឍន៍ដោយសន្តិភាពយ៉ាងម៉ឺងម៉ាត់មិនងាករេ ប្រកាន់ខ្ជាប់នូវគោលនយោបាយការទូតសន្តិភាពដែលមានភាពឯករាជ្យនិងម្ចាស់ការយ៉ាងម៉ឺងម៉ាត់មិនងាករេ ប្រកាន់ខ្ជាប់នូវយុទ្ធសាស្រ្តបើកចំហដែលផ្តល់ផលប្រយោជន៍ដល់គ្នាទៅវិញទៅមកនិងសម្រេចការឈ្នះៗគ្នា ។
ការអភិវឌ្ឍន៍របស់ប្រទេសចិន ជាការធំឡើងនៃកម្លាំងសន្តិភាពពិភពលោក ជាការកើនឡើងនៃកម្លាំងវិជ្ជាមានដែលបន្តមិត្តភាព នាំមកនូវកាលានុវត្តភាពអភិវឌ្ឍន៍តែមិនមែនជាការគំរាមកំហែងដល់ទ្វីបអាស៊ីនិងពិភពលោក ។ ប្រទេសចិនរីករាយចិត្ត
ចែករំលែកកាលានុវត្តភាពអំពីការអភិវឌ្ឍន៍សេដ្ឋកិច្ចនិងសង្គមជាមួយអាស៊ាន អាស៊ីនិងពិភពលោក ។
លោកលោកស្រី !
បច្ចុប្បន្ននេះ ប្រជាជនចិនកំពុងខិតខំប្រឹងប្រែងសំដៅសម្រេចសុបិនចិនអំពីការធ្វើឲ្យប្រទេសចិនងើបឡើងវិញ ប្រជាជនឥណ្ឌូនេស៊ីក៏សកម្មជំរុញគម្រោងទូទៅស្តីពីការអភិវឌ្ឍន៍សេដ្ឋកិច្ច និងស្វែងរកការធ្វើឲ្យប្រជាជាតិងើបឡើងវិញដែរ ។ដើម្បីសម្រេចសុបិនយើងរៀងៗខ្លួន ភាគីទាំងពីរត្រូវតែយោគយល់គ្នា គាំទ្រគ្នា ចាប់ដៃប្រកៀកស្មាធ្វើកិច្ចសហប្រតិបត្តិការគ្នា ត្រូវការឥស្សរជនដែលមានប្រាជ្ញារបស់ប្រទេសទាំងពីរកាន់តែច្រើនមកចូលរួម ធ្វើការខិតខំប្រឹងប្រែងយ៉ាងជាក់ស្តែង ។
និយាមដល់ត្រឹមនេះ ខ្ញុំបាននឹកដល់ចម្រៀងមួយបទដែលច្នៃនិពន្ធដោយលោកស៊ូស៊ីឡូ ដែលមានចំណងជើងថា"ស្ងៀមស្ងាត់" ។ នៅខែតុលា ឆ្នាំ ២០០៦ លោក
ប្រធានាធិបតីស៊ូស៊ីឡូបានអញ្ជើញមកចូលរួមសន្និសីទកំពូលនៃការរំលឹកខួបឆ្នាំទី ១៥ នៃការបង្កើតទំនាក់ទំនងសន្ទនាគ្នារវាងចិននិងអាស៊ាន នៅពេលសម្រាកបន្ទាប់សន្និសីទ លោកបានមានគំនិតច្នៃនិពន្ធដ៏ល្អប្រសើរលើទន្លេលីជាំង បានច្នៃនិពន្ធនូវទំនុកចម្រៀងដ៏ល្អមួយដែលមានន័យជាអាទិ៍ថា ថ្ងៃសប្បាយរីករាយមានម្តងហើយម្តងទៀតក្នុងឆាកជីវិត ខ្ញុំនិងដៃគូខ្ញុំរួមគ្នាឆ្លងរយៈកាលដ៏ល្អប្រសើរនោះ ។ ក្នុងទេសភាពទឹកនិងភ្នំរបស់ប្រទេសចិន លោកស៊ូស៊ីឡូបាននឹកដល់កុមារវ័យរបស់ខ្លួន ស្រុកកំណើតរបស់ខ្លួន ការនេះបានសឲ្យឃើញថា ប្រជាជនប្រទេសទាំងពីរយើងមានចិត្តដូចគ្នា និងមនោសញ្ចេតនាស្រដៀងគ្នា ។
ការប្រាស្រ័យទាក់ទងរវាងប្រទេសជាតិគឺអាស្រ័យលើការស្រឡាញ់គ្នារវាងប្រជាជនប្រទេសទាំងពីរ ។ គឺដោយមកពីមានប្រេសិតមិត្តភាពម្នាក់ហើយម្នាក់ទៀត បានបង្កើតស្ពានមិត្តភាពមួយខ្នងហើយមួយខ្នងទៀត និងបានបើកបង្អួចដែលទាក់ទងចិត្តនិងចិត្តមួយហើយមួយទៀត បានជាមិត្តភាពរវាងប្រជាជនប្រទេសទាំងពីរយើងទើបអាចឆ្លងប្រវត្តិសាស្រ្តយូរ លោតផ្លោះភ្នំនិងទឹកជាច្រើន ហើយអាចថិតថេរចីកាល ។
យុវជនជាហ្វូងមនុស្សដែលមានភាពរស់រវើកបំផុត មានសុបិនច្រើនបំផុត ។ ប្រសិនបើមានយុវជនល្អ នោះប្រទេសជាតិក៏ល្អ ប្រសិនបើយុវជនខ្លាំង នោះប្រទេសជាតិក៏ខ្លាំង។ យុវជនជានិមិត្តសញ្ញានៃអនាគតនិងក្តីសង្ឃឹមនៃការប្រាស្រ័យទាក់ទងរបស់ប្រទេសទាំងពីរ ។ ខ្ញុំនិងលោកស៊ូស៊ីឡូបានយល់ស្របជាឯកភាពរួមថា ប្រទេសទាំងពីរយើងនឹងពង្រឹងនិងពង្រីកការផ្លាស់ប្តូរខាងមនុស្សសាស្រ្ត តទៅរយៈពេល ៥ ឆ្នាំខាងមុខនេះ ភាគីទាំងពីរ នឹងចាត់បញ្ជូនយុវជន ១០០ នាក់ឲ្យធ្វើទស្សនកិច្ចនៅប្រទេសគូខាងម្ខាងជារៀងរាល់ឆ្នាំ ហើយប្រទេសចិននឹងផ្តល់ចំនួនមនុស្សដែលទទួលអាហារូបករណ៍១០០០ ដល់ប្រទេសឥណ្ឌូនេស៊ី ។
ខ្ញុំជឿជាក់ថា ទន្ទឹមនឹងការដែលមានយុវជនកាន់តែច្រើនថែមទៀតចូលខ្លួនក្នុងការបង្កើនមិត្តភាពរវាងចិននិងឥណ្ឌូនេស៊ី ទំនាក់ទំនងដ៏ល្អប្រសើររវាងប្រទេសទាំងពីរមុខជាអាចបន្តទៀត និងរីកចម្រើនទៅមុខដោយមានភាពរុងរឿងថ្កុំថ្កើង ។
លោកលោកស្រី !
ប្រទេសចិននិងឥណ្ឌូនេស៊ីមានប្រជាជន ១ពាន់ ៦ រយលាននាក់ ឲ្យតែប្រជាជន
ប្រទេសទាំងពីរយើងចាប់ដៃគ្នា ហើយទាក់ទងដោយចិត្តស្មោះត្រង់ នោះក៏អាចប្រមូលផ្តុំនូវកម្លាំងធំសម្បើមរបស់ប្រជាជនដែលមានចំនួនត្រូវជា ១ ភាគ ៤ នៃចំនួនប្រជាជនពិភពលោក ក៏អាចបង្កើតរឿងអច្ឆរិយដ៏ថ្មីក្នុងប្រវត្តិសាស្រ្តរបស់មនុស្សលោក។ប្រជាជនចិននិងឥណ្ឌូនេស៊ីត្រូវចាប់ដៃប្រកៀកស្មាគ្នាធ្វើការខិតខំប្រឹងប្រែង ចារទំព័រថ្មីនៃការអភិវឌ្ឍន៍ទំនាក់ទំនងរវាងប្រទេសទាំងពីរ ត្រួតត្រាយអនាគតដ៏ល្អប្រសើរនៃសមាហរណកម្មវេសនាចិននិងអាស៊ាន រួមគ្នារួមវិភាគទានកាន់តែធំដល់បុព្វហេតុដ៏ខ្ពង់ខ្ពស់នៃសន្តិភាពនិងការអភិវឌ្ឍន៍របស់ពិភពលោក !
តឺលីម៉ាកាស៊ី !(មានន័យថា អរគុណ)
ចប់