កាលពីថ្ងៃទី ២៤ ខែធ្នូ លោក Zhao Lijian អ្នកនាំពាក្យក្រសួងការបរទេសចិនបានថ្លែងក្នុងសន្និសីទកាសែតជាប្រចាំថា ប្រទេសចិនស្វាគមន៍ឥស្សរជនពាក់ព័ន្ធនៃគណៈកម្មាធិការកីឡាអូឡាំពិកជប៉ុនជាដើម និងអត្តពលិកជប៉ុនមកចូលរួមព្រឹត្តិការណ៍កីឡាអូឡាំពិករដូវរងានិងកីឡាប៉ារ៉ាឡាំពិករដូវរងានៅទីក្រុងប៉េកាំងប្រទេសចិន ហើយរំពឹងនិងដាស់តឿនប្រទេសជប៉ុនឱ្យអនុវត្តយ៉ាងប្រាកដប្រជានូវពាក្យសន្យាស្តីពីការផ្តល់ការគាំទ្រគ្នាទៅវិញទៅមករវាងប្រទេសចិននិងជប៉ុនក្នុងការរៀបចំធ្វើការប្រកួតកីឡាអូឡាំពិក និងកុំធ្វើឱ្យកីឡាទៅជារឿងនយោបាយ។
តាមការផ្សាយដំណឹងឱ្យដឹងថា ប្រធានខុទ្ទកាល័យជប៉ុនបានបញ្ជាក់ថា ប្រធានគណៈកម្មាធិការរៀបចំការប្រកួតកីឡាអូឡាំពិកក្រុងតូក្យូ ប្រធានគណៈកម្មាធិការកីឡាអូឡាំពិកជប៉ុន និងប្រធានគណៈកម្មាធិការកីឡាប៉ារ៉ាឡាំពិកជប៉ុននឹងចូលរួមព្រឹត្តិការណ៍កីឡាអូឡាំពិករដូវរងានិងកីឡាប៉ារ៉ាឡាំពិករដូវរងានៅទីក្រុងប៉េកាំង។ ជប៉ុនគ្មានគម្រោងបញ្ជូនគណៈប្រតិភូរដ្ឋាភិបាលទៅចូលរួមនោះទេ។ មានការចុះផ្សាយដំណឹងមួយទៀតឱ្យដឹងថា គណៈប្រតិភូអត្តពលិកជប៉ុននឹងចូលរួមព្រឹត្តិការណ៍កីឡាអូឡាំពិករដូវរងានិងកីឡាប៉ារ៉ាឡាំពិករដូវរងានៅទីក្រុងប៉េកាំងតាមការគ្រោងទុក។