កិច្ចប្រជុំលើកទី៣២នៃគណៈកម្មាធិការអចិន្ត្រៃយ៍នៃសភាតំណាងប្រជាជនទូទាំងប្រទេសចិននីតិកាលទី ១៣ បិទបញ្ចប់នៅក្រុងប៉េកាំង
កិច្ចប្រជុំលើកទី៣២នៃគណៈកម្មាធិការអចិន្ត្រៃយ៍នៃសភាតំណាងប្រជាជនទូទាំងប្រទេសចិននីតិកាលទី ១៣ បានបិទបញ្ចប់នៅវិមានសភាប្រជាជនក្រុងប៉េកាំងកាលពីរសៀលថ្ងៃទី ២៤ ខែធ្នូ ។បន្ទាប់ពីការបោះឆ្នោត អង្គប្រជុំបានអនុម័តលើច្បាប់ប្រឆាំងបទឧក្រិដ្ឋមានមេខ្លោងពីក្រោយ ច្បាប់ការពារតំបន់ដីសើម ច្បាប់ស្តីពីវឌ្ឍនភាពនៃ បច្ចេកវិទ្យាដែលទើបធ្វើវិសោធនកម្មថ្មី ច្បាប់បង្ការនិងគ្រប់គ្រងការរំខានដោយសំឡេង សេចក្តីសម្រេចស្តីពីការធ្វើវិសោធនកម្មលើច្បាប់គ្រាប់ពូជ សេចក្តីសម្រេចស្តីពីការធ្វើវិសោធនកម្មលើច្បាប់នីតិវិធីរដ្ឋប្បវេណី និងសេចក្តីសម្រេចស្តីពីការធ្វើវិសោធនកម្មលើច្បាប់ស្តីពីសហជីព។ លោក Xi Jinping បានចុះហត្ថលេខាលើក្រឹត្យប្រធានរដ្ឋនិងប្រកាស ។ សូមបញ្ជាក់ថា កិច្ចប្រជុំលើកនេះបានបើកធ្វើក្រោមអធិបតីភាពរបស់លោកLi Zhanshu ប្រធានសភាតំណាងប្រជាជនទូទាំងប្រទេសចិន ។
អង្គប្រជុំបានបោះឆ្នោតនិងអនុម័តលើសេចក្តីសម្រេចចិត្តរបស់គណៈកម្មាធិការអចិន្ត្រៃយ៍នៃសភាតំណាងប្រជាជនទូទាំងប្រទេសចិនស្តីពីការបើកធ្វើកិច្ចប្រជុំលើកទី៥នៃសភាតំណាងប្រជាជនទូទាំងប្រទេសនីតិកាលទី១៣។ សេចក្តីសម្រេចចិត្តនេះបានកំណត់ថា កិច្ចប្រជុំលើកទី៥នៃសភាតំណាងប្រជាជនទូទាំងប្រទេសចិននីតិកាលទី១៣នឹងបើកធ្វើនៅទីក្រុងប៉េកាំង នៅថ្ងៃទី៥ ខែមីនា ឆ្នាំ២០២២ខាងមុខនេះ។