លោក Zhao Lijian អ្នកនាំពាក្យក្រសួងការបរទេសចិនបានថ្លែងក្នុងសន្និសីទកាសែតជាប្រចាំកាលពីថ្ងៃទី ២៤ ខែធ្នូ ថា សហរដ្ឋអាមេរិកបានផ្តល់វេទិកាទាំងគឃ្លើនចំពោះ Luo Guancong ជាជនសង្ស័យឧក្រិដ្ឋកម្មនិងជាជនឧទ្ទាមដែលប៉ុនប៉ងឱ្យតំបន់ហុងកុងឯករាជ្យ វាបានបង្ហាញថា អ្វីដែលហៅថា "កិច្ចប្រជុំកំពូលស្តីពីលទ្ធិប្រជាធិបតេយ្យ" របស់សហរដ្ឋអាមេរិកមានគោលបំណងនយោបាយដ៏អាក្រក់នៅពីក្រោយ វាគឺជាឧបាយកលនយោបាយសុទ្ធសាធ។
តាមការផ្សាយដំណឹងបានឱ្យដឹងថា គេហទំព័រនៃក្រសួងការបរទេសសហរដ្ឋអាមេរិកបានចេញផ្សាយកំណត់ហេតុនៃអ្វីដែលហៅថា “ កិច្ចប្រជុំកំពូលស្តីពីលទ្ធិប្រជាធិបតេយ្យរបស់មេដឹកនាំ” និងបានប្រកាសពាក្យសម្តីពាក់ព័ន្ធរបស់ជនឧទ្ទាម Luo Guancong នៅក្នុងកិច្ចប្រជុំនេះ។
ជាការឆ្លើយតបទៅនឹងសំណួរពាក់ព័ន្ធ លោក Zhao Lijian បានថ្លែងថា បុគ្គលនេះគឺជាជនសង្ស័យឧក្រិដ្ឋកម្មដែលប៉ូលីសហុងកុងកំពុងស្វែងរកចាប់ខ្លួន ។ សហរដ្ឋអាមេរិកបានផ្តល់វេទិកាទាំងគឃ្លើនចំពោះ Luo Guancong ជាជនសង្ស័យឧក្រិដ្ឋកម្មនិងជាជនឧទ្ទាមដែលប៉ុនប៉ងឱ្យតំបន់ហុងកុងឯករាជ្យ នេះបានបង្ហាញថា អ្វីដែលហៅថា "កិច្ចប្រជុំកំពូលស្តីពីលទ្ធិប្រជាធិបតេយ្យ"របស់សហរដ្ឋអាមេរិកមានគោលបំណងនយោបាយដ៏អាក្រក់នៅពីក្រោយ វាគឺជាឧបាយកលនយោបាយសុទ្ធសាធ៕