ថ្ងៃទី៩ខែធ្នូ ក្រុមប្រឹក្សាសន្តិសុខអង្គការសហប្រជាជាតិបានធ្វើកិច្ចប្រជុំបើកទ្វារជជែកដេញដោលជាន់ខ្ពស់ស្តីពី”ការគោរពធម្មនុញ្ញអង្គការសហប្រជាជាតិនិងគាំពារសុខសន្តិភាពអន្តរជាតិ”។ លោកZhangJunតំណាងចិនប្រចាំជាអចិន្ត្រៃយ៍នៅអង្គការសហប្រជាជាតិបានអញ្ជើញចូលរួមកិច្ចប្រជុំព្រមទាំងអធិប្បាយយ៉ាងស៊ីជម្រៅអំពីគោលជំហរនិងគំនិតផ្តួចផ្តើមរបស់ប្រទេសចិនដែលប្រកាន់ខ្ជាប់ពហុភាគីនិយមយ៉ាងម៉ឺងម៉ាត់មិនងាករេនិងគាំពារយ៉ាងមុតមាំនូវកម្មវត្ថុនិងគោលការណ៍នៃធម្មនុញ្ញអង្គការសហប្រជាជាតិ ។
លោកZhangJunបានគូសបញ្ជាក់ថា ការប្រកាន់ខ្ជាប់ធម្មនុញ្ញអង្គការសហប្រជាជាតិចាំបាច់ត្រូវអនុវត្តឱ្យបាន ៖ទី១ត្រូវប្រកាន់ខ្ជាប់ការស្វែងរកកិច្ចសហប្រតិបត្តិការនិងឈ្នះ–ឈ្នះ ទី២ត្រូវគោរពតាមច្បាប់អន្តរជាតិ ទី៣ត្រូវប្រកាន់ខ្ជាប់យុត្តិធម៌និងសច្ចធម៌ និងទី៤ត្រូវប្រកាន់ខ្ជាប់ការចាត់ប្រតិបត្តិការដ៏មានប្រសិទ្ធភាព ។
លោកZhangJunបានថ្លែងទៀតថា ប្រទេសចិនជាប្រទេសដែលបានចុះហត្ថលេខាលើធម្មនុញ្ញអង្គការសហប្រជាជាតិមុនគេបង្អស់និងបានគោរពយ៉ាងខ្ជាប់ខ្ជូននូវកម្មវត្ថុនិងគោលការណ៍នៃធម្មនុញ្ញអង្គការសហប្រជាជាតិ ក៏ដូចជាបានគាំពារកិត្យានុភាពនិងតួនាទីរបស់អង្គការសហប្រជាជាតិផងដែរ ៕