ថ្ងៃទី១១ខែវិចិ្ឆកា សន្និសីទក្រៅផ្លូវការលើកទី២៥នៃអ្នកដឹកនាំអង្គការកិច្ចសហប្រតិបត្តិការសេដ្ឋកិច្ចអាស៊ីប៉ាស៊ីហ្វីកបានបើកធ្វើនៅក្រុងដាណាងប្រទេសវៀតណាម។លោកប្រធានរដ្ឋចិនស៊ីជីនភីងបានអញ្ជើញចូលរួមហើយថ្លែងសុន្ទរកថាគន្លឹះក្រោមចំណងជើងថា "ចាប់ដៃគ្នាចារទំព័រថ្មីសម្រាប់កិច្ចសហប្រតិបត្តិការនិងឈ្នះ-ឈ្នះនៃអាស៊ីប៉ាស៊ីហ្វិក" ដោយគូសបញ្ជាក់ថា ភាគីនានានៃអាស៊ីប៉ាស៊ីហ្វិកត្រូវតែខិតខំជំរុញការច្នៃប្រឌិតថ្មីឥតឈប់ឈរ ប្រកាន់ខ្ជាប់ការពង្រីកការបើកចំហចំពោះក្រៅប្រទេស សកម្មអនុវត្តការអភិវឌ្ឍដោយបរិយាប័ន្នវិជ្ជមាន បំពេញខ្លឹមសារនៃទំនាក់ទំនងដៃគូឥតឈប់ឈរ ហើយណែនាំការអភិវឌ្ឍនិងភាពរុងរឿងវគ្គថ្មីទៅពិភពលោកទាំងមូល ។
ប្រធានបទនៃសន្និសីទក្រៅផ្លូវការលើកទី២៥នៃអ្នកដឹកនាំអង្គការកិច្ចសហប្រតិបត្តិការសេដ្ឋកិច្ចអាស៊ីប៉ាស៊ីហ្វីកលើកនេះគឺ "បង្កើតកម្លាំងចលករថ្មី ត្រួសត្រាយនិងចែករំលែកអនាគត" ។ អ្នកដឹកនាំនៃតួអង្គសេដ្ឋកិច្ចនានាដែលចូលរួមសន្និសីទបានផ្លាស់ប្តូរមតិគ្នាយ៉ាងជ្រាលជ្រៅជុំវិញបញ្ហាសំខាន់ៗដែលបានពិភាក្សា ដូចជាកំណើនច្នៃប្រឌិតថ្មីនៃយុគសម័យឌីជីថល បរិយាប័ន្ននិងនិរន្តរភាពការងារ និងការត្រួសត្រាយនិងចែករំលែកអនាគតជាដើម ។
លោកស៊ីជីនភីង បានគូសបញ្ជាក់ក្នុងសុន្ទរកថាថា បីឆ្នាំកន្លងមកនេះ សេដ្ឋកិច្ចពិភពលោកកំពុងងើបឡើងវិញជាបណ្តើរៗ ជំនឿចិត្តរបស់បណ្តាភាគីក៏កំពុងកើនឡើងជាបណ្តើរៗដែរ។ យើងចង់ឃើញ សេដ្ឋកិច្ចពិភពលោកផ្លាស់ប្តូរយ៉ាងជ្រាលជ្រៅ។ គ្រប់ភាគីនៅអាស៊ីប៉ាស៊ីហ្វិកត្រូវតែអនុវត្តសកម្មភាពជាក់ស្តែងដោយស្របតាមនិន្នាការអភិវឌ្ឍន៍ ដើម្បីណែនាំពិភពលោកទាំងមូលឈានឆ្ពោះទៅកាន់វឌ្ឍនភាពនិងភាពរុងរឿងវគ្គថ្មី។
ទី១ ខិតខំព្យាយាមជំរុញការច្នៃប្រឌិតថ្មី កសាងកម្លាំងចលករសម្រាប់ការអភិវឌ្ឍយ៉ាងខ្លាំងក្លា
ទី២ ពង្រីកការបើកចំហដោយម៉ឺងម៉ាត់មិនងាករេ កសាងទំហំអភិវឌ្ឍន៍យ៉ាងទូលំទូលាយ
ទី៣ អនុវត្តការអភិវឌ្ឍដោយបរិយាប័ន្នវិជ្ជមាន ធ្វើឲ្យប្រជាជនមានអារម្មណ៍ទទួលបានផលកាន់តែច្រើន
ទី៤ ធ្វើឲ្យទំនាក់ទំនងភាពជាដៃគូមានខ្លឹមសារសម្បូរបែបឥតឈប់ឈរ សម្រេចបានការផ្តល់ផលប្រយោជន៍ដល់គ្នាទៅវិញទៅមកនិងឈ្នះ-ឈ្នះ។
លោកស៊ីជីនភីងបានបញ្ជាក់ថា សមាជបក្សកុម្មុយនិស្តចិនលើកទី ១៩ បានធ្វើឡើងដោយជោគជ័យកាលពីខែតុលា ឆ្នាំ២០១៧ សមាជនេះបានកំណត់យុទ្ធសាស្ត្រជាមូលដ្ឋាននិងផែនការអភិវឌ្ឍន៍នាពេលអនាគត។ យើងខ្ញុំនឹងប្រកាន់ខ្ជាប់នូវគំនិតអភិវឌ្ឍន៍ដែលចាត់ទុកប្រជាជនជាស្នូល ដើម្បីជំរុញឲ្យប្រជាជនទទួលបានការរីកចម្រើនទាំងស្រុង សង្គមទទួលបានការអភិវឌ្ឍគ្រប់ជ្រុងជ្រោយ។យើងខ្ញុំនឹងបង្កើនការអនុវត្តជាក់ស្តែងនូវទស្សនៈអភិវឌ្ឍន៍ថ្មី ជំរុញកំណែទម្រង់គ្រប់ជ្រុងជ្រោយដោយស៊ីជម្រៅ បង្កើនល្បឿនកសាងប្រទេសបែបច្នៃប្រឌិតថ្មី ជំរុញការបង្កើតទៅជានិម្មាបនកម្មថ្មីដែលបើកទូលាយគ្រប់ជ្រុងជ្រោយ និងកសាងប្រព័ន្ធសេដ្ឋកិច្ចទំនើបកម្ម។លោកជឿជាក់ថា ប្រទេសចិនដែលមានកម្លាំងចលករអភិវឌ្ឍន៍គ្រប់គ្រាន់ ប្រជាជនមានអារម្មណ៍ទទួលបានផលយ៉ាងខ្លាំង ព្រមនិងមានការទាក់ទងជាមួយអន្តរជាតិកាន់តែស៊ីជម្រៅ ច្បាស់ជានឹងរួមចំណែកយ៉ាងសំខាន់ដើម្បីផ្តល់ឱកាសកាន់តែច្រើនដល់តំបន់អាស៊ីប៉ាស៊ីហ្វិករហូតដល់ពិភពលោកជាមិនខាន៕
ក្នុងសន្និសីទនាថ្ងៃដដែល បណ្តាថ្នាក់ដឹកនាំនៃតួអង្គសេដ្ឋកិច្ចបានពិគ្រោះពិភាក្សាគ្នាជុំវិញប្រធានបទស្តីពីកម្លាំងចលករថ្មីក្នុងផ្នែកពាណិជ្ជកម្មតំបន់ វិនិយោគ ការតភ្ជាប់គ្នានិងការប្រាស្រ័យគ្នាទៅវិញទៅមក។លោក ស៊ីជីនភីងបានថ្លែងថា ក្នុងរយៈពេលកន្លងទៅនេះ តួអង្គសេដ្ឋកិច្ចអាស៊ីប៉ាស៊ីហ្វិកបានរក្សាកំណើនយ៉ាងឆាប់បង្គួរនិងមានស្ថិរភាព បានផ្តល់កម្លាំងចលករយ៉ាងរឹងមាំដល់ការងើបឡើងវិញនៃសេដ្ឋកិច្ចពិភពលោក។ក្នុងនោះមានចំណុចសំខាន់ពីរគឺទី១ តំបន់អាស៊ីប៉ាស៊ីហ្វិកបានរក្សាទំហំអភិវឌ្ឍដែលបើកចំហយ៉ាងម៉ត់ចត់ ការនេះបានបង្កើតលក្ខខ័ណ្ឌអនុគ្រោះដល់សកម្មភាពពាណិជ្ជកម្មនិងវិនិយោគ។ទី២តំបន់អាស៊ីប៉ាស៊ីហ្វិកបានត្រួសត្រាយវិស័យសហប្រតិបត្តិការថ្មីនៃការតភ្ជាប់គ្នានិងការទាក់ទងគ្នា បានបញ្ចេញកំណើនសក្តានុពលយ៉ាងធំ។យើងត្រូវតែប្រកាន់ខ្ជាប់ទស្សនៈកិច្ចសហប្រតិបត្តិការ គាំពារពាណិជ្ជកម្មនិងវិនិយោគសេរីនិងបើកចំហ រួមគ្នាជំរុញកិច្ចកសាងតំបន់ពាណិជ្ជកម្មសេរីអាស៊ីប៉ាស៊ីហ្វិក អនុវត្តផែនការតភ្ជាប់គ្នានិងការទាក់ទងគ្នា ដើម្បីបញ្ចូលកម្លាំងវិជ្ជមានឥតឈប់ឈរដល់សេដ្ឋកិច្ចពិភពលោក។
បណ្តាថ្នាក់ដឹកនាំនៃតួអង្គសេដ្ឋកិច្ចបានថ្លែងថា ពេលបច្ចុប្បន្ន និន្នាការងើបឡើងវិញនៃសេដ្ឋកិច្ចពិភពលោកកំពុងកើតឡើង ប៉ុន្តែទោះបីយ៉ាងនេះក្តី ក៏នៅតែប្រឈមនឹងការប្រកួតប្រជែងនិងហានិភ័យ។ភាគីនានារំលឹកឡើងវិញថាត្រូវតែគាំទ្រពាណិជ្ជកម្មនិងវិនិយោគដោយសេរីនិងងាយស្រួល គាំទ្រយន្តការពាណិជ្ជកម្មពហុភាគី ជំរុញការអភិវឌ្ឍបរិយាប័ន្ន ដើម្បីធ្វើឲ្យភាគីនានាសុទ្ធតែអាចទទួលផលប្រយោជន៍ពីដំណើរនៃសាកលភាវូបនីយកម្មសេដ្ឋកិច្ចបាន។
