ថ្ងៃទី១១ខែវិច្ឆិកា លោក ស៊ីជីនភីងប្រធានរដ្ឋចិនបានជួបសន្ទនាការងារជាមួយលោក MoonJan-inប្រធានាធិបតីកូរ៉េខាងត្បូងនៅប្រទេសវៀតណាម។
លោកស៊ីជីនភីងប្រធានរដ្ឋចិនបានគូសបញ្ជាក់ថា នាពេលបច្ចុប្បន្ននេះ ទំនាក់ទំនងរវាងចិននិងកូរ៉េខាងត្បូងកំពុងឋិតក្នុងរយៈពេលដ៏សំខាន់ ភាគីទាំងពីរត្រូវតែគោរពតាមផលប្រយោជន៍ជាស្នូលនិងការយកចិត្តទុកដាក់ខ្ពស់រវាងគ្នាទៅវិញទៅមក គាំពារការជឿទុកចិត្តគ្នាលើវិស័យនយោបាយ បង្កើនការផ្លាស់ប្តូរនិងសម្របសម្រួលគ្នា។លោកស៊ីជីនភីងបានរំលឹកឡើងវិញនូវគោលជំហររបស់ភាគីចិនជុំវិញបញ្ហាប្រព័ន្ធប្រឆាំងគ្រាប់មីស៊ីលTHAAD ហើយបានគូសបញ្ជាក់ថា ក្នុងបញ្ហាដែលពាក់ព័ន្ធនឹងទំនាក់ទំនងដ៏សំខាន់ ភាគីទាំងពីរសុទ្ធតែត្រូវកាន់អាកប្បកិរិយាទទួលខុសត្រូវចំពោះប្រវត្តិសាស្រ្ត ចំពោះទំនាក់ទំនងរវាងចិននិងកូរ៉េខាងត្បូង និងចំពោះប្រជាជនរបស់ប្រទេសទាំងពីរ ធ្វើសេចក្តីសម្រេចដែលអាចទទួលការពិនិត្យពីប្រវត្តិសាស្រ្តបាន ដើម្បីធានាឲ្យទំនាក់ទំនងរវាងចិននិងកូរ៉េខាងត្បូងអាចដើរតាមផ្លូវដ៏ត្រឹមត្រូវជានិច្ចនិរន្តរដល់ពេលអនាគត។
