លោកវ៉ាងយី សមាជិកនៃក្រុមប្រឹក្សាកិច្ចការរដ្ឋចិននិងជារដ្ឋមន្រ្តីក្រសួងការបរទេសចិនបានជួបពិភាក្សាការងារជាមួយលោក U Thein Sein អតីតប្រធានាធិបតីមីយ៉ាន់ម៉ានៅសណ្ឋាគាររដ្ឋ Diao yu tai កាលពីថ្ងៃទី២២ ខែមេសាកន្លងទៅនេះ។
លោកវ៉ាងយីបានថែ្លងថា ក្រោមការជំរុញរួមគ្នារបស់មេដឹកនាំរវាងចិននិងមីយ៉ាន់ម៉ាកិច្ចសហប្រតិបត្តិការជាយុទ្ធសាស្ត្រគ្រប់ជ្រុងជ្រោយរវាងប្រទេសទាំងពីរទទួលបានការអភិវឌ្ឍយ៉ាងឆាប់រហ័ស។ប្រទេសចិនរីករាយរួមសហការជាមួយភាគីមីយ៉ាន់ម៉ាក្នុងការជំរុញការកសាងរបៀងសេដ្ឋកិច្ចរវាងចិននិងមីយ៉ាន់ម៉ាដើម្បីបំពេញបន្ថែមនូវកម្លាំងចលករថ្មីសម្រាប់ការអភិវឌ្ឍសេដ្ឋកិច្ចនៃប្រទេសមីយ៉ាន់ម៉ា។ភាគីចិនរីករាយដែលបានមើលឃើញនូវការទទួលបានវឌ្ឍនភាពឥតឈប់ឈរក្នុងដំណើរសន្តិភាពនិងផ្សះផ្សាជាតិនៅប្រទេសមីយ៉ាន់ម៉ា ហើយអនុលោមតាមក្តីបំណងរបស់មីយ៉ាន់ម៉ាដើម្បីបន្តដើរតួនាទីមានលក្ខណៈស្ថាបនាក្នុងការជួយសម្របសម្រួលឲ្យមានសន្តិភាពនិងជំរុញកិច្ចការចរចារបស់ភាគីមីយ៉ាន់ម៉ាផងដែរ។