ថៃ្ងទី២២ ខែមេសា លោកវ៉ាងយី សមាជិកក្រុមប្រឹក្សាកិច្ចការរដ្ឋចិននិងជារដ្ឋមន្រ្តីក្រសួងការបរទេសចិនបានជួបពិភាក្សាការងារជាមួយលោកស្រី Sushma Swaraji រដ្ឋមន្រ្តីក្រសួងការបរទេសឥណ្ឌាដែលកំពុងបំពេញទស្សនកិច្ចនៅប្រទេសចិន ក្នុងពេលរួមគ្នាជួបជាមួយអ្នកយកព័ត៌មានលោកវ៉ាងយីបានប្រកាសថា ភាគីទាំងពីរ ចិននិងឥណ្ឌាបានកំណត់ថា លោកស៊ីជីនភីងប្រធានរដ្ឋចិននឹងធ្វើកិច្ចជំនួបសន្ទនាក្រៅផ្លូវការជាមួយលោកម៉ូឌីនាយករដ្ឋមន្រ្តីឥណ្ឌានៅក្រុងអ៊ូហាន ខេត្តហ៊ូប៉េ ប្រទេសចិនចាប់ពីថ្ងៃទី២៧ដល់ថៃ្ងទី២៨ ខែមេសាខាងមុខនេះ។
លោកវ៉ាងយីបានថែ្លងថា កិច្ចជំនួបក្រៅផ្លូវការរវាងលោកប្រធានរដ្ឋចិនស៊ីជីនភីងនិងលោកនាយករដ្ឋមន្ត្រីឥណ្ឌាម៉ូឌីលើកនេះនឹងជំរុញយ៉ាងទូលំទូលាយនូវទំនុកចិត្តទៅវិញទៅមករវាងមេដឹកនាំនៃប្រទេសទាំងពីរព្រមទាំងធ្វើការវិនិច្ឆ័យជាយុទ្ធសាស្រ្តចំពោះស្ថានការណ៍ពិភពលោកនិងទំនាក់ទំនងរវាងចិននិងឥណ្ឌាទៀតផង។ប្រការនេះមិនត្រឹមតែផ្តល់ផលប្រយោជន៍ដល់ប្រទេសនិងប្រជាជននៃប្រទេសទាំងពីរប៉ុណ្ណោះទេ ថែមទាំងក៏នឹងមានឥទ្ធិពលវិជ្ជមានសំខាន់ៗសម្រាប់សន្តិភាពនិងការអភិវឌ្ឍក្នុងតំបន់និងពិភពលោកផងដែរ៕
