ថ្ងៃទី២១ខែមេសា ក្រសួងការបរទេសរុស្ស៊ីបានអះអាងថា ស្វាគមន៍ចំពោះសេចក្តីសម្រេចចិត្តរបស់កូរ៉េខាងជើងស្តីពីការបញ្ឈប់ការធ្វើពិសោធន៍នុយគ្លេអ៊ែរនិងការបង្ហោះ មីស៊ីលបាឡេស្ទិកអន្តរទ្វីប ព្រមទាំងបានថ្លែងថា សេចក្តីសម្រេចមួយនេះមានអត្ថន័យដ៏សំខាន់ចំពោះការបន្ធូរបន្ថយស្ថានការណ៍ឧបទ្វីបកូរ៉េថែមទៀត។
ក្រសួងការបរទេសរុស្ស៊ីបានអំពាវនាវប្រទេសអាមេរិកនិងកូរ៉េខាងត្បូងឲ្យចាត់វិធានការដែលស្របទៅតាម ធ្វើឲ្យកម្រិតរស់រវើកនៃសកម្មភាពយោធាក្នុងតំបន់មានការថយចុះ ដើម្បីខំប្រឹងប្រែងឈានដល់កិច្ចព្រមព្រៀងជាមួយភាគីកូរ៉េខាងជើងក្នុងកិច្ចជំនួបកំពូលរវាងកូរ៉េខាងត្បូងនិងខាងជើងនិងកិច្ចជំនួបរវាងថ្នាក់ដឹកនាំអាមេរិកនិងកូរ៉េខាងជើងនៅពេលជិតៗខាងមុខនេះ៕