ថ្ងៃទី២១ខែមេសា លោកAzevedo អគ្គនាយកនៃអង្គការពាណិជ្ជកម្មពិភពលោកបានចេញសេចក្តីថ្លែងការណ៍ជាលាយលក្ខអក្សរ អំពាវនាវអង្គភាពសេដ្ឋកិច្ចនានាឲ្យឆ្លងតាមរយៈអង្គការពាណិជ្ជកម្មពិភពលោកបង្កើនកិច្ចសហប្រតិបត្តិការលើពិភពលោកទាំងមូល ដើម្បីបន្ធូរបន្ថយស្ថានការណ៍ពាណិជ្ជកម្មដ៏តានតឹងបច្ចុប្បន្ន។
លោកAzevedoបានគូសបញ្ជាក់ថា ប្រព័ន្ធពាណិជ្ជកម្មពហុភាគីដែលយកក្បួនច្បាប់ជាមូលដ្ឋានបានផ្តល់ភាពនឹងនរនិងភាពអាចប៉ាន់ប្រមាណបានដ៏ចាំបាច់ដល់ការដំណើរការដោយរលូននៃពាណិជ្ជកម្មពិភពលោកទាំងមូល ដូច្នេះ អាចគាំទ្រយ៉ាងពេញលេញដល់កំណើននៃសេដ្ឋកិច្ចពិភពលោកទាំងមូល។
លោកAzevedoបានថ្លែងទៀតថា ទាក់ទិននឹងបញ្ហាពិភាក្សាផ្នែកពាណិជ្ជកម្ម គួរតែបន្តឆ្លងតាមរយៈអង្គការពាណិជ្ជកម្មពិភពលោក ដើម្បីបង្កើនកិច្ចសហប្រតិបត្តិការលើពិភពលោកទាំងមូល ប្រការនេះមានសារៈសំខាន់ជាទីបំផុតចំពោះការចៀសវាងកុំឲ្យការវិវាទពាណិជ្ជកម្មបច្ចុប្បន្នកាន់តែមានភាពខ្លាំងឡើងៗនិងគាំទ្រកំណើរសេដ្ឋកិច្ចនិងឱកាសការងារលើពិភពលោកទាំងមូល៕