ថ្ងៃទី២២ ខែមេសា អ្នកនាំពាក្យព័ត៌មាននៃក្រសួងពាណិជ្ជកម្មប្រទេសចិនបានឆ្លើយតបនឹងសំណួរអំពីលោកMnuchinរដ្ឋមន្ត្រីក្រសួងហិរញ្ញវត្ថុអាមេរិកថ្លែងថា គិតពិចារណារលើការធ្វើទស្សនកិច្ចនៅប្រទេសចិនដើម្បីពិគ្រោះពិភាក្សាបញ្ហាសេដ្ឋកិច្ចនិងពាណិជ្ជកម្ម។
អ្នកសារព័ត៌មានបានលើកសំណួរថា លោកMunchinរដ្ឋមន្ត្រីក្រសួងហិរញ្ញវត្ថុអាមេរិកបានថ្លែងថា គិតពិចារណារពីការធ្វើទស្សនកិច្ចនៅប្រទេសចិនដើម្បីពិគ្រោះពិភាក្សាពីបញ្ហាសេដ្ឋកិច្ចនិងពាណិជ្ជកម្ម សូមសួរភាគីចិនមានការឆ្លើយតបយ៉ាងម៉េច?
អ្នកនាំពាក្យព័ត៌មាននៃក្រសួងពាណិជ្ជកម្មប្រទេសចិនបានថ្លែងថា ភាគីចិនទទួលបានព័ត៌មានស្តីពីភាគីអាមេរិកសង្ឃឹមចង់មកទីក្រុងប៉េកាំងដើម្បីពិគ្រោះពិភាក្សាពីបញ្ហាសេដ្ឋកិច្ចនិងពាណិជ្ជកម្ម ភាគីចិនសំដែងការស្វាគមន៍ចំពោះរឿងនេះ៕
