ថ្ងៃទី ២០ ខែមេសា នៅក្រុងប៉េកាំង លោកស្រីHua Chunying អ្នកនាំពាក្យនៃក្រសួងការបរទេសចិនបានថ្លែងថា បច្ចុប្បន្ន ទំនាក់ទំនងរវាងប្រទេសចិននិងអាមេរិកកំពុងស្ថិតនៅផ្លូវបំបែកជាបួន ភាគីចិនសង្ឃឹមបុគ្គលមួយចំនួនក្នុងប្រទេសអាមេរិកអាចផ្លាស់ប្តូរទ្រឹស្តីនិងគំនិតផ្នែកទំនាក់ទំនងអន្តរជាតិរបស់ខ្លួន ហើយដើរតាមនិន្នាការអភិវឌ្ឍន៍នៃយុគសម័យ តែមិនមែនដើរផ្ទុយពីគ្នានោះទេ។
តាមការផ្សាយដំណឹងបានឲ្យដឹងថា ពេលថ្មីៗកន្លងទៅនេះ គណៈកម្មាធិការត្រួតពិនិត្យសេដ្ឋកិច្ចនិងសន្តិសុខរវាងអាមេរិកនិងចិននៃរដ្ឋសភាអាមេរិកបានចេញរបាយការណ៍ថា រដ្ឋាភិបាលចិនមានលទ្ធភាពផ្តល់ការគាំទ្រដល់សហគ្រាសចិនមួយចំនួនឲ្យធ្វើសកម្មភាពចារកម្មផ្នែកពាណិជ្ជកម្ម ដើម្បីលើកកម្ពស់សមត្ថភាពប្រកួតប្រជែងរបស់សហគ្រាសចិននិងផលប្រយោជន៍របស់រដ្ឋាភិបាលចិនផងដែរ ។
លោកស្រីHua Chunying បានបង្ហាញថា អាមេរិកតែងតែយកបញ្ហាសន្តិសុខជាតិមកធ្វើជាលេសសម្រាប់ដាក់កំហិតផ្នែកពាណិជ្ជកម្មនិងការបណ្តាក់ទុនលើវិស័យបច្ចេកវិទ្យាខ្ពស់របស់ចិននិងអាមេរិក វាជាការច្បាស់លាស់ណាស់ គឺជាទង្វើដែលយកបញ្ហាសន្តិសុខជាតិទៅធ្វើជាលេសសម្រាប់អនុវត្តការគាំពារនិយមផ្នែកពាណិជ្ជកម្ម ៕