ពេលអញ្ជើញចូលរួមពិធីពិសាអាហារថ្ងៃត្រង់ជាមួយនឹងតំណាងនៃប្រព័ន្ធសារព័ត៌មានជាច្រើននៅទីស្តីការប្រធានាធិបតីកាលពីថ្ងៃទី ១៩ ខែមេសា លោកMoon Jae-inប្រធានាធិបតីកូរ៉េខាងត្បូងបានបញ្ជាក់ថា ឧបទ្វីបកូរ៉េត្រូវបញ្ឈប់យន្តការយប់បាញ់គ្នានិងចេញសេចក្តីប្រកាសបញ្ចប់សង្គ្រាម ដើម្បីឈានទៅរកការចុះហត្ថលេខាលើកិច្ចព្រមព្រៀងសន្តិភាព ។
យោងតាមដំណឹងនៃវិមានChong Wa Dae ទីស្តីការប្រធានាធិបតីកូរ៉េខាងត្បូងឲ្យដឹងថាក្នុងពីធីពិសាអាហារថ្ងៃត្រង់ លោកMoon Jae-inបានថ្លែងថា ត្រូវឆ្លងតាមកិច្ចជំនួបប្រមុខរដ្ឋរវាងកូរ៉េខាងត្បូងនិងខាងជើង បង្កើតជានិមិត្តសញ្ញាមួយសម្រាប់ការត្រួសត្រាយផ្លូវថ្មី ដើម្បីសម្រេចឲ្យបាននូវការគ្មាននុយគ្លេអ៊ែរនៅឧបទ្វីបកូរ៉េ បង្កើតយន្តការសន្តិភាពយូរអង្វែងនៅឧបទ្វីបកូរ៉េ និងអភិវឌ្ឍទំនាក់ទំនងរវាងកូរ៉េខាងត្បូងនិងខាងជើងជានិរន្តរភាព ។