ក្រុមហ៊ុន Alibaba គ្រុបរបស់ប្រទេសចិននិងរាជរដ្ឋាភិបាលថៃនឹងធ្វើកិច្ចសហប្រតិបត្តិការជាយុទ្ធសាស្ត្រ ភាគីទាំងពីរបានចុះហត្ថលេខាលើអនុស្សរណៈយោគយល់ចំនួន ៤ នៅក្រុងបាងកក ប្រទេសថៃកាលពីថ្ងៃទ ១៩ ខែមេសា ។
លោក Somkid Jatusripitak ឧបនាយករដ្ឋមន្ត្រីថៃបានថ្លែងថា នៅក្រោមការជំរុញនៃគំនិតផ្តួចផ្តើមស្តីពី " ខ្សែក្រវាត់មួយនិងផ្លូវមួយ "របស់ប្រទេសចិន បណ្តាប្រទេសអាស៊ីនានាកំពុងបង្កើនការតភ្ជាប់គ្នា ការដែលក្រុមហ៊ុនAlibabaគ្រុបមកបណ្តាក់ទុននៅប្រទេសថៃ គឺធ្វើឡើងក្នុងខណៈពេលដ៏សមស្របណាស់ ។ លោក Jatusripitak បានថ្លែងទៀតថា កិច្ចសហប្រតិបត្តិការរវាងប្រទេសថៃនិងក្រុមហ៊ុនAlibaba មិនត្រឹមតែផ្តល់ផលប្រយោជន៍ដល់ប្រទេសថៃប៉ុណ្ណោះទេ ថែមទាំងបានគិតពិចារណាដល់ការអភិវឌ្ឍក្នុងតំបន់ទាំងមូលទៀតផង ដែលចាត់ទុកប្រទេសថៃជាចំណុចកណ្តាលដើម្បីធ្វើកិច្ចសហប្រតិបត្តិការជាមួយប្រទេសជិតខាងថែមទៀត ។