ថ្ងៃទី១៩ខែមេសា លោកស៊ីជីនភីងប្រធានរដ្ឋចិនបានជួបពិភាក្សាតាមទូរស័ព្ទជាមួយលោក Erdoganប្រធានាធិបតីតួកគីតាមការណាត់។
លោកស៊ីជីនភីងបានគូសបញ្ជាក់ថា ប៉ុន្មានឆ្នាំចុងក្រោយនេះ ទំនាក់ទំនងកិច្ចសហប្រតិបត្តិការជាយុទ្ធសាស្រ្តរវាងចិននិងតួកគីបានវិវឌ្ឍរីកចម្រើនដោយនឹងនរ កិច្ចសហប្រតិបត្តិការលើវិស័យនានាទទួលបានសមិទ្ធផលវិជ្ជមានជាច្រើន។ភាគីទាំងពីរគួរតែជីកកកាយសក្តានុពលឲ្យកាន់តែស៊ីជម្រៅ ដើម្បីជំរុញទំនាក់ទំនងរវាងចិននិងតួកគីឲ្យវិវឌ្ឍរីកចម្រើនជានិរន្តរភាពក្នុងកម្រិតកាន់តែខ្ពស់និងវិស័យកាន់តែទូលំទូលាយ។
ជាការឆ្លើយតប លោក Erdoganបានថ្លែងថា តួកគីសូមវាយតម្លៃខ្ពស់ចំពោះប្រទេសចិនដែលបានសកម្មក្នុងការគាំពារភាពសច្ចៈយុត្តិធម៌ក្នុងកិច្ចការអន្តរជាតិ គោរពអរិយធម៌ពិពិធកម្មនិងប្រកាន់ខ្ជាប់ថា មិនថាប្រទេសធំឬតូចក្តី សុទ្ធតែមានសមភាព លោកបានសម្គាល់ឃើញថា ការអភិវឌ្ឍនិងវិបុលភាពរបស់ប្រទេសចិនគឺជាមូលដ្ឋាននៃស្ថិរភាពរបស់ពិភពលោកទាំងមូល៕