ថ្ងៃទី១៩ខែមេសា លោកស៊ីជីនភីងអគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិននិងជាប្រធានរដ្ឋចិនបានផ្ញើសារជូនពរដោយឡែកពីគ្នាជូនចំពោះ លោកRaul Castroលេខាធិការទី១នៃគណៈកម្មាធិការមជ្ឈិមបក្សកុម្មុយនិស្តគុយបានិងលោកCanelប្រធានថ្មីនៃគណៈកម្មាធិការកិច្ចការរដ្ឋនិងជាប្រធានសន្និសីទគណៈរដ្ឋមន្រ្តីគុយបា ដើម្បីសម្តែងការជូនពរចំពោះមហសសន្និបាតសភាតំណាងរាស្រ្តកាន់អំណាចទូទាំងប្រទេសគុយបានីតិកាលទី៩បានបោះឆ្នោតជ្រើសតាំងថ្នាក់ដឹកនាំរដ្ឋអាណត្តិថ្មី។
ក្នុងសារជូនពរ លោកស៊ីជីនភីងបានលើកឡើងថា ចិននិងគុយបាជាសមមិត្តល្អ មិត្តភ័ក្តិល្អនិងដៃគូល្អដែលមានភាពស្មោះត្រង់ មានទំនុកចិត្តលើគ្នានិងមានជោគវាសនាដូចគ្នា។ប្រទេសចិនយកចិត្តទុកដាក់ខ្ពស់ដល់ការពង្រឹងនិងពង្រីកទំនាក់ទំនងរវាងចិននិងគុយបា រីករាយក្នុងការរក្សាការប្រាស្រ័យទាក់ទងយ៉ាងស្អិតល្មួតជាមួយ លោកRaul Castro ដើម្បីជំរុញឲ្យទំនាក់ទំនងរវាងចិននិងគុយបាបន្តវិវឌ្ឍរីកចម្រើនថែមទៀត។ប្រទេសចិនរីករាយរួមសហការជាមួយលោកCanel ធ្វើការខិតខំប្រឹងប្រែងដើម្បីពង្រឹងនិងពង្រីកឥតឈប់ឈរនូវកិច្ចសហប្រតិបត្តិការរវាងប្រទេសទាំងពីរ ខ្នះខ្នែងបង្កបង្កើតសមិទ្ធផលដ៏ត្រចះត្រចង់នៃចំណងមេត្រីភាពរវាងចិននិងគុយបាក្នុងយុគសម័យថ្មី៕