ជាការឆ្លើយតបនឹងការផ្សាយដំណឹងថាគំនិតផ្តួចផ្តើមអំពីខ្សែក្រវាត់មួយនិងផ្លូវមួយបានរារាំងដល់ពាណិជ្ជកម្មសេរី លោកស្រីHuaChunyingអ្នកនាំពាក្យក្រសួងការបរទេសចិនបានលើកឡើងនៅថ្ងៃទី១៩ខែមេសាថា ការជំរុញសេរីភាពនិងកិច្ចសម្រួលពាណិជ្ជកម្មគឺជាចំណែកដ៏សំខាន់មួយនៃគំនិតផ្តួចផ្តើមអំពីខ្សែក្រវាត់មួយនិងផ្លូវមួយ។
លោកស្រីHuaChunyingបានថ្លែងថា ភាគីចិនធ្លាប់បានបញ្ជាក់ជាច្រើនលើកហើយថា ខ្សែក្រវាត់មួយនិងផ្លូវមួយគឺជាផលិតផលសាធារណៈនៃពិភពលោកទាំងមូលដែលស្វែងរកការផ្តល់ផលប្រយោជន៍ដល់គ្នា ភាពឈ្នះ–ឈ្នះនិងការអភិវឌ្ឍជាមួយគ្នា។កិច្ចកសាងខ្សែក្រវាត់មួយនិងផ្លូវមួយបានគោរពតាមគោលការណ៍ស្តីពីការពិភាក្សាជាមួយគ្នា រួមគ្នាកសាងនិងចែករំលែកជាមួយគ្នា បានគោរពក្បួនច្បាប់ទីផ្សារនិងច្បាប់ទម្លាប់អន្តរជាតិ និងខិតខំប្រឹងប្រែងដើម្បីសម្រេចការអភិវឌ្ឍជានិរន្តរភាពនិងមានគុណភាពខ្ពស់៕
