នាពេលកន្លងទៅថ្មីៗនេះ ប្រទេសទាំងពីរចិននិងឡាវបានចុះហត្ថលេខាលើអនុស្សរណៈយោគយល់ស្តីពីកិច្ចសហប្រតិបតិ្តការលើវិស័យស្រាវជ្រាវពីរុក្ខជាតិឱសថ ភាគីទាំងពីរនឹងរួមសហការគ្នាធ្វើការអភិវឌ្ឍនិងស្រាវជ្រាវខាងការប្រើប្រាស់និងគុណតម្លៃនៃរុក្ខជាតិឱសថរបស់ប្រទេសឡាវលើវិស័យសេដ្ឋកិច្ច ។
ក្នុងពិធីចុះហត្ថលេខា រដ្ឋមន្ត្រីក្រសួងសុខាភិបាលឡាវបានថ្លែងថា កិច្ចសហប្រតិបត្តិការរវាងឡាវនិងចិនលើវិស័យឱសថប្រពៃណីឡាវមានសារសំខាន់ណាស់ដើម្បីពង្រីកនិងផ្សព្វផ្សាយឱសថនិងវិជ្ជពេទ្យប្រពៃណីរបស់ឡាវ ព្រមទាំងមានអំណោយផលដល់ការកែលំអសមត្ថភាពព្យាបាលជំងឺរបស់ប្រទេសឡាវទៀតផង ៕