ព្រឹកថ្ងៃទី១៩ខែមេសា ស្ថានីយវិទ្យុនិងទូរទស្សន៍មជ្ឈិមចិនដែលបានបង្កើតជាថ្មីបានបើកស្លាកជាផ្លូវការ។យោងតាម"ផែនការស្តីពីការធ្វើឲ្យស៊ីជម្រៅនូវកំណែទម្រង់នៃស្ថាប័នបក្សនិងរដ្ឋ" ប្រទេសចិនបានធ្វើសមាហរណកម្មចំពោះស្ថានីយទូរទស្សន៍មជ្ឈិម វិទ្យុប្រជាជនមជ្ឈិមនិងវិទ្យុអន្តរជាតិចិន ដោយបានច្របាច់បញ្ចូលនិងបង្កើតជាថ្មីនូវស្ថានីយវិទ្យុនិងទូរទស្សន៍មជ្ឈិមដែលជាអង្គភាពរដ្ឋក្រោមឱវាទក្រុមប្រឹក្សាកិច្ចការរដ្ឋចិននិងដឹកនាំដោយក្រសួងឃោសនាការនៃគណៈកម្មាធិការមជ្ឈិមបក្សកុម្មុយនិស្តចិន។ស្ថានីយវិទ្យុនិងទូរទស្សន៍ទាំង៣នៃស្ថានីយវិទ្យុនិងទូរទស្សន៍មជ្ឈិមចិនបានរក្សាឈ្មោះដដែលសម្រាប់ផ្សាយក្នុងប្រទេស និងប្រើឈ្មោះ"សំឡេងប្រទេសចិន"សម្រាប់ផ្សាយចេញទៅក្រៅប្រទេស៕
