ជាការឆ្លើយតបនឹងការផ្សាយដំណឹងថាមានធនាគារគំនិតមួយនៃប្រទេសអាមេរិកបានចោទជាមន្ទិលសង្ស័យចំពោះគោលបំណងឈ្នះ–ឈ្នះនៃគំនិតផ្តួចផ្តើមអំពីខ្សែក្រវាត់មួយនិងផ្លូវមួយ លោកស្រីHuaChunyingអ្នកនាំពាក្យក្រសួងការបរទេសចិនបានលើកឡើងនៅថ្ងៃទី១៨ខែមេសាថា ហេតុដែលគំនិតផ្តួចផ្តើមអំពីខ្សែក្រវាត់មួយនិងផ្លូវមួយទទួលបានការឆ្លើយតបនិងការគាំទ្រយ៉ាងទូលំទូលាយបែបនេះ គឺដោយមកពីគំនិតផ្តួចផ្តើមមួយនេះសមស្របនឹងចរន្តយុគសម័យ ផ្តល់សុខសុភមង្គលជូនដល់ប្រជាជននៃប្រទេសនានា និងប្រកបដោយកម្លាំងរស់រវើកដ៏ខ្លាំងក្លានិងអនាគតអភិវឌ្ឍន៍ដ៏ភ្លឺស្វាង។
លោកស្រីHuaChunyingបានថ្លែងទៀតថា ក្នុងដំណើរកសាងខ្សែក្រវាត់មួយនិងផ្លូវមួយ គម្រោងសហប្រតិបត្តិការជាច្រើនបាននិងកំពុងត្រូវជំរុញទៅមុខដោយគ្រប់ជ្រុងជ្រោយដែលបានដើរតួនាទីដ៏សំខាន់ក្នុងការជំរុញការអភិវឌ្ឍសេដ្ឋកិច្ចតាមតំបន់និងបង្កើនសុខសុភមង្គលជូនដល់ប្រជាជន៕