ថ្ងៃទី១៧ខែមេសា លោកស្រីCarrie Lam Cheng Yuet-ngorប្រធានរដ្ឋបាលនៃតំបន់រដ្ឋបាលពិសេសហុងកុងបានថ្លែងថា សាលារដ្ឋបាលនៃតំបន់រដ្ឋបាលពិសេសហុងកុងកំពុងគិតពិចារណាពីវិស័យជាច្រើន ដើម្បីជំរុញឲ្យហុងកុងចូលរួមកិច្ចកសាងខ្សែក្រវាត់មួយនិងផ្លូវមួយ ក្តាប់ជាប់កាលានុវត្តភាព ដើម្បីរួមចំណែកក្នុងការអភិវឌ្ឍនៅពេលអនាគតនៃប្រទេសជាតិនិងហុងកុង។
ថ្លែងក្នុងពេលចូលរួមពិធីឡើងកាន់មុខតំណែងនៃប្រធានសភាពាណិជ្ជកម្មខ្សែក្រវាត់មួយនិងផ្លូវមួយនៅថ្ងៃដដែលនោះ លោកស្រីCarrie Lam Cheng Yuet-ngorបានលើកឡើងថា ចាប់តាំងពីគំនិតផ្តួចផ្តើមអំពីខ្សែក្រវាត់មួយនិងផ្លូវមួយបានត្រូវលើកឡើងមក ក៏បានទទួលការយកចិត្តទុកដាក់និងទទួលស្គាល់កាន់តែច្រើនឡើងៗពីប្រទេសនានាលើពិភពលោក។ក្នុងឋានៈជាអ្នកជំរុញនិងជាអ្នកផ្សព្វផ្សាយ សាលារដ្ឋបាលនៃតំបន់រដ្ឋបាលពិសេសហុងកុងកំពុងគិតពិចារណាពីវិស័យជាច្រើនដើម្បីជំរុញឲ្យហុងកុងចូលរួមកិច្ចកសាងខ្សែក្រវាត់មួយនិងផ្លូវមួយ៕
