ថ្ងៃទី១៦ខែមេសា ក្រុមប្រឹក្សាប្រតិបត្តិនៃអង្គការហាមឃាត់អាវុធគីមីបានបើកកិច្ចប្រជុំនៅក្រុងឡាអេនៃប្រទេសហូឡង់ដើម្បីពិគ្រោះពិភាក្សាអំពីការចោទប្រកាន់រដ្ឋាភិបាលស៊ីរីពីការវាយប្រហារដោយអាវុធគីមី តំណាងរុស្ស៊ីបានស្នើឲ្យក្រុមស៊ើបអង្កេតនៃអង្គការហាមឃាត់អាវុធគីមីស៊ើបរកការពិតក្នុងពេលឆាប់ៗក្នុងករណីមួយនេះ។
លោកShulkinតំណាងរុស្ស៊ីប្រចាំជាអចិន្ត្រៃយ៍នៅអង្គការហាមឃាត់អាវុធគីមីបានថ្លែងថា ការចោទប្រកាន់ចំពោះរដ្ឋាភិបាលស៊ីរីស្តីពីការប្រើប្រាស់អាវុធគីមីគឺជាការបង្ករឿងហេតុដោយមានផែនការក្នុងគោលបំណងបោកបញ្ឆោតសហគមន៍អន្តរជាតិ និងយកលេសដោះសារចំពោះអំពើឈ្លានពានរបស់ខ្លួន។ពេទ្យទ័ពនិងអ្នកជំនាញផ្នែកបង្ការអាវុធគីមីនៃប្រទេសរុស្ស៊ីមិនបានរកឃើញតម្រុយនៃការប្រើប្រាស់អាវុធគីមីនៅតំបន់ឌូម៉ានៃប្រទេសស៊ីរីនោះទេ ហើយក៏មិនបានឃើញមានជនរងគ្រោះពីការវាយប្រហារដោយអាវុធគីមីនោះដែរ៕