ថ្ងៃទី ១៦ ខែមេសា សមាសភាពក្រុមប្រឹក្សាកិច្ចការរដ្ឋអាណត្តិថ្មីនៃប្រទេសចិនបានធ្វើពិធីសច្ចាប្រណិធានចំពោះរដ្ឋធម្មនុញ្ញនៅវិមានទីស្តីការរដ្ឋ Zhong Nanhai ក្រោមការត្រួតពិនិត្យរបស់លោក លីខឹឈាង នាយករដ្ឋមន្ត្រីចិន ។
បន្ទាប់ពីបញ្ចប់ពិធីសច្ចាប្រណិធាន លោក លីខឹឈាង បានតម្រូវឲ្យសមាជិកសមាជិកាគ្រប់រូបត្រូវចាត់ទុកគំនិតសង្គមនិយមប្រកបដោយលក្ខណៈពិសេសរបស់ប្រទេសចិនក្នុងយុគសម័យថ្មីរបស់លោក ស៊ីជីនភីង ជាគោលការណ៍ណែនាំសំខាន់ មានភក្តីភាពចំពោះរដ្ឋធម្មនុញ្ញ ធ្វើអភិបាលកិច្ចតាមរដ្ឋធម្មនុញ្ញ អនុវត្តជាក់ស្តែងតាមកម្មវត្ថុ ព្យាយាមនិងធ្វើការខិតខំប្រឹងប្រែងឲ្យអស់ពីសមត្ថភាព មានឥរិយាបថស្អាតស្អំ ប្រកាន់ខ្ជាប់ការចាត់ទុកការអភិវឌ្ឍជាភារកិច្ចចម្បង អនុវត្តទស្សនៈអភិវឌ្ឍន៍បែបថ្មី ជំរុញសង្គមឲ្យទទួលបានការរីកចម្រើនដោយគ្រប់ជ្រុងជ្រោយ ធ្វើការងារដែលមានផលប្រយោជន៍ដល់ប្រជាជនឲ្យបានច្រើន ដោះស្រាយបញ្ហាដែលពាក់ព័ន្ធដល់ជីវភាពរស់នៅរបស់ប្រជាជនឲ្យបានច្រើន ក៏ដូចជាខិតខំប្រឹងប្រែងដើម្បីទទួលបានសមិទ្ធផលនិងស្នាដៃថ្មីជូនប្រទេសជាតិនិងប្រជាជន ៕
