តាមការផ្សាយដំណឹងនៃប្រព័ន្ធសារព័ត៌មានវៀតណាមកាលពីពេលថ្មីៗនេះឲ្យដឹងថា ថ្ងៃទី១៣ខែមេសា ក្រសួងហិរញ្ញវត្ថុវៀតណាមបានធ្វើសន្និសីទសារព័ត៌មានអំពីសេចក្តីព្រាងច្បាប់ពន្ធទ្រព្យសម្បត្តិដែលបញ្ជាក់ថា ក្រសួងហិរញ្ញវត្ថុវៀតណាមគ្រោងយកពន្ធទ្រព្យសម្បត្តិលើរថយន្តនិងអចលនទ្រព្យ។
ក្រសួងហិរញ្ញវត្ថុវៀតណាមបានបង្ហាញថា គម្រោងយកពន្ធនេះគ្រាន់តែជាសំណើជាជំហានដំបូងរបស់ក្រសួងនេះតែប៉ណ្ណោះ តាមការប៉ាន់ប្រមាណ សេចក្តីព្រាងច្បាប់ពន្ធទ្រព្យសម្បត្តិនឹងសុំមតិយោបល់ពីសំណាក់ក្រសួងស្ថាប័នពាក់ព័ន្ធ គណៈកម្មការប្រជាជនតាមតំបន់នានានិងសាធារណជន។បន្ទាប់ពីការសុំមតិយោបល់យ៉ាងទូលំទូលាយរួចហើយ ក្រសួងហិរញ្ញវត្ថុនឹងសុំយោបល់ពីក្រសួងយុត្តិធម៌ ទើបអាចឈានចូលដំណាក់កាលតាក់តែងច្បាប់នៃរដ្ឋសភា៕