ថ្ងៃទី១៦ខែមេសា នៅក្រុងតូក្យូប្រទេសជប៉ុន លោកវ៉ាងអ៊ី សមាជិកក្រុមប្រឹក្សាកិច្ចការរដ្ឋនិងជារដ្ឋមន្រ្តីការបរទេសចិននិងលោកKouno tarouរដ្ឋមន្រ្តីការបរទេសជប៉ុនបានធ្វើជាសហអធិបតីក្នុងកិច្ចសន្ទនាជាន់ខ្ពស់ផ្នែកសេដ្ឋកិច្ចចិន–ជប៉ុនលើកទី៤។
ក្នុងកិច្ចសន្ទនា លោកវ៉ាងអ៊ីបានថ្លែងថា ក្រោមបរិការណ៍ដែលទំនាក់ទំនងរវាងចិននិងជប៉ុនបានត្រូវកែលម្អបែបនេះ កិច្ចសន្ទនាជាន់ខ្ពស់ផ្នែកសេដ្ឋកិច្ចចិន–ជប៉ុនលើកទី៤បានរៀបចំឡើងវិញបន្ទាប់ពីខកខានអស់៨ឆ្នាំ។បច្ចុប្បន្ន កិច្ចសហប្រតិបត្តិការផ្នែកសេដ្ឋកិច្ចរវាងចិននិងជប៉ុនបានប្រឈមនឹងលក្ខណសម្បត្តិប្រវត្តិសាស្រ្តនិងបរិយាកាសទូទៅថ្មី ពោលគឺកំពុងឈរលើទីចាប់ផ្តើមថ្មីមួយ។ភាគីទាំងពីរគួរតែធ្វើការប្រាស្រ័យទាក់ទងដោយស៊ីជម្រៅលើវិស័យចំនួនពីរ គឺយុទ្ធសាស្រ្តនិងការអនុវត្តជាក់ស្តែង ដើម្បីបង្កើនការយោគយល់គ្នា ពង្រឹងការកសាងទំនុកចិត្តលើគ្នា ក៏ដូចជាជំរុញការសម្របសម្រួលនិងកិច្ចសហប្រតិបត្តិការជាមួយគ្នា៕
