ថ្ងៃទី១៥ ខែមេសា លោក ភូទីន ប្រធានាធិបតីរុស្ស៊ីបានជួបពិភាក្សាតាមទូរស័ព្ទជាមួយលោក Rouhani ប្រធានាធិបតីអ៊ីរ៉ង់ ។ ភាគីទាំងពីរបានបង្ហាញថា ការវាយប្រហារយោធាទៅលើស៊ីរីពីសំណាក់សហរដ្ឋអាមេរិកនិងសម័្ពន្ធមិត្តរបស់អាមេរិកគឺបានល្មើសនឹងច្បាប់អន្តរជាតិ ដែលនឹងបំផ្លាញយ៉ាងធ្ងន់ធ្ងងដល់ដំណោះស្រាយបញ្ហាស៊ីរីតាមរយៈនយោបាយនៅពេលអនាគត ។
តាមដំណឹងដែលវេបសាយនៃវិមានក្រឹមឡាំងនៃប្រទេសរុស្ស៊ីចេញផ្សាយឲ្យដឹងថា ប្រធានាធិបតីនៃប្រទេសទាំងពីររុស្ស៊ីនិងអ៊ីរ៉ង់បានផ្លាស់ប្តូរមតិយោបល់ពីស្ថានការណ៍របស់ស៊ីរីបន្ទាប់ពីបានរងការវាយប្រហារយោធាពីសហរដ្ឋអាមេរិកនិងសម័្ពន្ធមិត្តរបស់អាមេរិក ។ ថ្លែងក្នុងកិច្ចពិភាក្សា លោក ភូទីន បានគូសបញ្ជាក់ថា បើសិនជាសកម្មភាពដែលបានលើ្មសនឹងធម្មនុញ្ញអង្គការសហប្រជាជាតិបែបនេះនៅតែបន្តកើតឡើងទៀត នោះនឹងបណ្តាលឲ្យស្ថានការណ៍អន្តរជាតិមានភាពរង្គោះរង្គើដោយមិនអាចចៀសវាងបានឡើយ ៕