ពេលកន្លងទៅថ្មីៗនេះ លោកស៊ីជីនភីងប្រធានគណៈកម្មាធិការយោធាមជ្ឈិមចិនបានចុះហត្ថលេខាលើក្រឹត្យស្តីពីការប្រកាសនូវការធ្វើវិសោធនកម្មរួចរាល់លើលក្ខន្តិកៈចម្រុះនៃកងទ័ពរំដោះប្រជាជនចិនដែលបូករួមទាំងការដាក់ឲ្យអនុវត្តសាកល្បងនូវលក្ខន្តិកៈកិច្ចការផ្ទៃក្នុងនៃកងទ័ពរំដោះប្រជាជនចិន ការដាក់ឲ្យអនុវត្តសាកល្បងនូវលក្ខន្តិកៈច្បាប់វិន័យនៃកងទ័ពរំដោះប្រជាជនចិន និងការដាក់ឲ្យអនុវត្តសាកល្បងនូវលក្ខន្តិកៈរៀបក្បួនទ័ពនៃកងទ័ពរំដោះប្រជាជនចិនដែលនឹងត្រូវចាប់ផ្តើមអនុវត្តជាផ្លូវការចាប់ពីថ្ងៃទី១ខែឧសភាឆ្នាំ២០១៨តទៅ។
លក្ខន្តិកៈចម្រុះនៃកងទ័ពរំដោះប្រជាជនចិនដែលបានធ្វើវិសោធនកម្មជាថ្មីនោះបានអនុវត្តដោយគ្រប់ជ្រុងជ្រោយនូវគំនិតកសាងកងទ័ពរបស់លោកស៊ីជីនភីង ប្រកាន់ខ្ជាប់ការដឹកនាំជាដាច់ខាតរបស់បក្សចំពោះកងទ័ពប្រជាជន អនុវត្តដោយស៊ីជម្រៅនិងគ្រប់ជ្រុងជ្រោយនូវប្រព័ន្ធទទួលខុសត្រូវដោយប្រធានគណៈកម្មាធិការយោធា ក៏ដូចជាអនុវត្តគោលការណែនាំនិងយុទ្ធសាស្រ្តយោធាក្រោមស្ថានការណ៍ថ្មី ដើម្បីបានបង្ហាញនូវសំណូមពរស្តីពីការគ្រប់គ្រងកងទ័ពយ៉ាងតឹងរ៉ឹងដោយគ្រប់ជ្រុងជ្រោយតាមរយៈលក្ខន្តិកៈនានា គឺជាបទបញ្ញត្តិជាមូលដ្ឋានសម្រាប់កសាងកងទ័ពមានបទដ្ឋានក្នុងយុគសម័យថ្មីនិង ល័ក្ខការណ៍ប្រតិបត្តិដែលយោធិនគ្រប់រូបត្រូវគោរពនិងអនុវត្តតាម៕