ឥស្សរជនគ្រប់មជ្ឈដ្ឋាននៃខេត្តហៃណានពិភាក្សាយ៉ាងកក់ក្តៅអំពីការកសាងកំពង់ផែពាណិជ្ជកម្មសេរី ហើយកោតសរសើរទិសដៅនៃការអភិវឌ្ឍដ៏ត្រឹមត្រូវផងដែរ

ក្នុងឱកាសខួបឆ្នាំទី៣០នៃការបង្កើតខេត្តនិងតំបន់ពិសេសសេដ្ឋកិច្ចហៃណាន លោកស៊ីជីនភីង អគ្គលេខាធិការមជ្ឈិមបក្សកុម្មុយនិស្តចិន ប្រធានរដ្ឋចិននិងប្រធានគណៈកម្មាធិការយោធាមជ្ឈិមចិនបានប្រកាសនៅថ្ងៃទី១៣ខែមេសាថា មជ្ឈិមបក្សកុម្មុយនិស្តចិនគាំទ្រកោះទាំងមូលខេត្តហៃណានកសាងតំបន់ពិសោធន៍ពាណិជ្ជកម្មសរី គាំទ្រខេត្តហៃណានស្វែងរកជាសន្សឹមៗ ជំរុញការកសាងកំពង់ផែពាណិជ្ជកម្មសេរីដ៏មានលក្ខណៈពិសេសចិនដោយនឹងនរ និងបង្កើតប្រព័ន្ធគោលនយោបាយនិងរបបនៃកំពង់ផែពាណិជ្ជកម្មសេរីដោយជំហាននីមួយៗនិងដំណាក់កាលនីមួយៗ ។ ឥស្សរជនគ្រប់មជ្ឈដ្ឋានខេត្តហៃណានបាននាំគ្នាបង្ហាញគោលបំណងយ៉ាងខ្លាំងដែលរីករាយរួមវិភាគទានកម្លាំងចំពោះការអភិវឌ្ឍនៃខេត្តហៃណាន ។

លោក Wu Shicun ប្រធានមន្ទីរស្រាវជ្រាវសមុទ្រចិនខាងត្បូងប្រទេសចិនបានថ្លែងថា អគ្គលេខាធិការមជ្ឈិមបក្សកុម្មុយនិស្តចិនមិនគ្រាន់តែបានសន្មត់ដោយពេញលេញនូវសមិទ្ធផលដែលខេត្តហៃណានបង្កើតខេត្តនិងតំបន់សេដ្ឋកិច្ចពិសេសទទួលបានក្នុងរយៈពេលជា៣០ឆ្នាំកន្លងទៅនេះប៉ុណ្ណោះទេ ថែមទាំងក៏បានគូរផែនទីដ៏សំខាន់មួយអំពីការបើកទូលាយនិងកំណែទម្រង់ថែមមួយកម្រិតទៀតនៃខេត្តហៃណាននៅពេលអនាគតផងដែរ ។ យើងត្រូវតែធ្វើតាមសំណូមពររបស់អគ្គលេខាធិការមជ្ឈិមបក្សកុម្មុយនិស្តចិននិងមជ្ឈិមបក្សកុម្មុយនិស្តចិន និងត្រូវតែសាកល្បងកំណែទម្រង់និងបើកទូលាយមុនគេ ។ លោកជឿជាក់ថា នៅពេលអនាគត ខេត្តហៃណានមុខជានឹងទទួលសមិទ្ធផលកាន់តែធំ ។