កាលពីព្រឹកថៃ្ងទី១៤ ខែមេសា តាមម៉ោងក្រុងប៉េកាំង សហរដ្ឋអាមេរិកបានរួមសហការជាមួយអង់គ្លេសនិងបារាំងដើម្បីធ្វើការវាយប្រហារលើអាកាសចំពោះប្រទេសស៊ីរី។ថៃ្ងដដែល លោកស្រី Hua Chun ying អ្នកនាំពាក្យក្រសួងការបរទេសចិនបានឆ្លើយតបនឹងសំណួរមានពាក់ព័ន្ធរបស់អ្នកយកព័ត៌មានចំពោះហេតុការណ៍នេះ។
លោកស្រី Hua Chun ying បានថែ្លងថា ប្រទេសចិនបានប្រឆាំងនឹងការប្រើកម្លាំងអាវុធក្នុងទំនាក់ទំនងអន្ដរជាតិនិងគាំទ្រឲ្យគោរពអធិបតេយ្យភាព ឯករាជ្យភាពនិងបូរណភាពដែនដីនៃបណ្តាប្រទេសនានាជាប់ជានិច្ច។អ្វីដែលសកម្មភាពយោធាឯកតោភាគីណាមួយដែលមិនបានអនុម័តដោយក្រុមប្រឹក្សាសន្តិសុខនៃអង្គការសហប្រជាជាតិគឺសុទ្ធតែផ្ទុយទៅនឹងគោលបំណងនិងគោលការណ៍នៃធម្មនុញ្ញអង្គការសហប្រជាជាតិ ល្មើសនឹងគោលការណ៍និងបទដ្ឋានជាមូលដ្ឋាននៃច្បាប់អន្តរជាតិ ហើយក៏នឹងនាំមកនូវកត្តាថ្មីដ៏ស្មុគស្មាញចំពោះដំណោះស្រាយបញ្ហាស៊ីរីផងដែរ។
