នៅថ្ងៃទី១៣ ខែមេសាតាមម៉ោងតំបន់ ក្រុមប្រឹក្សាសន្តិសុខនៃអង្គការសហប្រជាជាតិបានរៀបចំធ្វើកិច្ចប្រជុំបើកជាសាធារណៈស្តីពីស្ថានការណ៍នៅតំបន់មជ្ឈឹមបូព៌ាដើម្បីធ្វើការពិគ្រោះពិភាក្សាស្តីពីស្ថានការណ៍នៅតំបន់មជ្ឈឹមបូព៌ា បូករួមទាំងបញ្ហារវាងប៉ាឡេស្ទីននិងអ៊ីស្រាអែលព្រមទាំងស្ថានការណ៍ស៊ីរីជាដើម។លោក Antonio Guterres អគ្គលេខាធិការនៃអង្គការសហប្រជាជាតិបានអញ្ជើញចូលរួមកិច្ចប្រជុំព្រមទាំងជូនដំណឹងមានពាក់ព័ន្ធទៀតផង។
ក្នុងពេលថែ្លងដល់ស្ថានការណ៍ស៊ីរី លោក MaZhaoXu តំណាងអចិន្រ្តៃយ៍ប្រទេសចិនប្រចាំនៅអង្គការសហប្រជាជាតិបានលើកឡើងថា មធ្យោបាយយោធាមិនអាចដោះស្រាយបញ្ហាស៊ីរីបានទេ ហើយការដោះស្រាយបណ្ហាស៊ីរីដោយវិធីនយោបាយគឺជាច្រកចេញតែមួយគត់។លោកបានថែ្លងថា ភាគីចិនសូមអំពាវនាវឲ្យសហគមន៍អន្តរជាតិអនុវត្តតាមស្មារតីនៃសេចក្តីសម្រេចចិត្តមានពាក់ព័ន្ធរបស់ក្រុមប្រឹក្សាសន្តិសុខនៃអង្គការសហប្រជាជាតិដើម្បីដោះស្រាយបញ្ហាស៊ីរីដោយគ្រប់ជ្រុងជ្រោយ យុត្តិធម៌និងសមរម្យ៕
