នៅក្រុងប៉េកាំង លោកលីខឺឈាង នាយករដ្ឋមន្រ្តីចិនបានជួបពិភាក្សាការងារជាមួយលោក Mark Rutte នាយករដ្ឋមន្ត្រីហូឡង់ដែលអញ្ជើញបំពេញទស្សនកិច្ចនៅប្រទេសចិនកាលពីរសៀលថៃ្ងទី១២ ខែមេសា។
ថែ្លងក្នុងកិច្ចជំនួប លោកលីខឺឈាងបានលើកឡើងថា ប្រទេសចិនរីករាយធ្វើឲ្យយ៉ាងស៊ីជម្រៅនូវកិច្ចសហប្រតិបត្តិការជាមួយប្រទេសហូឡង់លើគ្រប់វិស័យ ដូចជាកសិកម្ម ហិរញ្ញវត្ថុ បច្ចេកវិទ្យាជាដើមដើម្បីពង្រីកទំហំកិច្ចសហប្រតិបត្តិការដែលផ្តល់ផលប្រយោជន៍ដល់គ្នាទៅវិញទៅមកឥតឈប់ឈរ។
លោកលីខឺឈាងបានដៅបញ្ជាក់ថា ភាគីចិនរំពឹងថា ប្រទេសហូឡង់នឹងដើរតួនាទីជាក្បាលស្ពាននៃកិច្ចសហប្រតិបត្តិការផែ្នកសេដ្ឋកិច្ចនិងពាណិជ្ជកម្មរវាងចិននិងអឺរ៉ុបដើម្បីជំរុញដំណើរការកិច្ចចរចារនៃកិច្ចព្រមព្រៀងវិនិយោគទុនរវាងចិននិងអឺរ៉ុបព្រមទាំងជំរុញទំនាក់ទំនងផែ្នកសេដ្ឋកិច្ចនិងពាណិជ្ជកម្មរវាងចិននិងអឺរ៉ុបឲ្យអភិវឌ្ឍប្រកបដោយតុល្យភាពទៀតផង។
ជាការឆ្លើយតប លោក Mark Rutte បានថែ្លងថា ប្រទេសហូឡង់រីករាយរួមសហការជាមួយប្រទេសចិន បង្កើនការប្រាស្រ័យទាក់ទងគ្នានិងកិច្ចជំនួបពិភាក្សាជាយុទ្ធសាស្រ្តបន្ថែមទៀត ហើយធ្វើឱ្យយ៉ាងស៊ីជម្រៅនូវកិច្ចសហប្រតិបត្តិការជាក់ស្តែងដើម្បីជំរុញទំនាក់ទំនងរវាងប្រទេសទាំងពីរនិងទំនាក់ទំនងរវាងសហភាពអឺរ៉ុបនិងចិនឲ្យឈានដល់កម្រិតថ្មីតទៅទៀតផងដែរ៕
