លោកលីខឺឈាង នាយករដ្ឋមមន្រ្តីចិនបានជួបពិភាក្សាការងារជាមួយលោក LuhutBinsar Pandjaitan បេសកជនពិសេសរបស់ប្រធានាធិបតីឥណ្ឌូណេស៊ីនិងជារដ្ឋមន្រ្តីក្រសួងរៀបចំផែនការកិច្ចការមហាសមុទ្រឥណ្ឌូណេស៊ីកាលពីរសៀលថៃ្ងទី១២ ខែមេសានៅក្រុងប៉េកាំង។
ថែ្លងក្នុងកិច្ចជំនួប លោកលីខឺឈាងបានថែ្លងថា ប្រទេសចិនរីករាយក្នុងការបង្កើនការបា្រស្រ័យទាក់ទងគ្នាជាន់ខ្ពស់ជាមួយប្រទេសឥណ្ឌូណេស៊ីយ៉ាងជិតស្និទ្ធ បង្កើនការតភ្ជាប់គ្នារវាងគំនិតផ្តួចផ្តើមខែ្សក្រវាត់មួយនិងផ្លូវមួយជាមួយនិងយុទ្ធសាស្រ្តអភិវឌ្ឍន៍របស់ឥណ្ឌូណេស៊ី ហើយជំរុញកិច្ចសហប្រតិបត្តិការលើគ្រប់វិស័យ ដូចជាហេដ្ឋារចនាសម្ព័ន្ធនិងការវិនិយោគជាដើមដើម្បីធ្វើឲ្យការអភិវឌ្ឍទំនាក់ទំនងរវាងចិននិងឥណ្ឌូណេស៊ីមិនត្រឹមតែផ្តល់ផលប្រយោជន៍ដល់ប្រជាជននៃប្រទេសទាំងពីរប៉ុណ្ណោះទេ ថែមទាំងអំណោយផលដល់ការជំរុញសន្តិភាព ស្ថិរភាពនិងភាពរុងរឿងថ្កុំថ្កើងនៃតំបន់ទៀតផង។
ជាការឆ្លើយតប លោក Luhut Binsar Pandjaitan បានថែ្លងថា ដំណើរទស្សនកិច្ចលើកនេះរបស់ខ្ញុំទៅកាន់ប្រទេសចិនដែលក្នុងនាមជាបេសកជនពិសេសរបស់លោកប្រធានាធិបតី Joko Widodo គឺមានគោលដៅដើម្បីជំរុញការតភ្ជាប់គ្នាជាយុទ្ធសាស្រ្តរវាងគំនិតផ្តួចផ្តើមខែ្សក្រវាត់មួយនិងផ្លូវមួយរបស់ប្រទេសចិនជាមួយនិងច្រករបៀងសេដ្ឋកិច្ចចម្រុះក្នុងតំបន់របស់ប្រទេសឥណ្ឌូណេស៊ីដើម្បីធ្វើឱ្យកាន់តែស៊ីជម្រៅនូវកិច្ចសហប្រតិបត្តិការជាក់ស្តែងរវាងភាគីទាំងពីរព្រមទាំងសម្រេចបាននូវផលប្រយោជន៍ដែលផ្តល់ដល់គ្នាទៅវិញទៅមកនិងឈ្នះ-ឈ្នះទៀតផង៕