សន្និសីទកំពូលស្តីពីប្រព័ន្ធសារព័ត៌មានអាស៊ីបានបើកធ្វើក្នុងអំឡុងពេលរៀបចំធ្វើសន្និសីទប្រចាំឆ្នាំ ២០១៨ នៃវេទិកាអាស៊ីក្រុងប៉អៅកាលពីពេលថ្មីៗកន្លងទៅនេះនៅខេត្តហៃណានប្រទេសចិន ។
លោកជ័យ សោភា អគ្គនាយករងនៃអគ្គនាយកដ្ឋានទូរទស្សន៍ជាតិកម្ពុជាដែលបានអញ្ជើញចូលរួមសន្និសីទបានថ្លែងពេលផ្តល់បទសម្ភាសន៍ជាមួយអ្នកសារព័ត៌មាននៃវិទ្យុយើងខ្ញុំថា សន្និសីទលើកនេះទទួលបានជោគជ័យយ៉ាងគ្រាប់ប្រសើរ ។ លោករំពឹងពីការ បង្កើតសម្ព័ន្ធសារព័ត៌មានអាស៊ី ដើម្បីឲ្យសំឡេងអាស៊ីត្រូវបានផ្សព្វផ្សាយកាន់តែទូលំទូលាយ ។
ក្នុងអំឡុងពេលសន្និសីទកំពូលនេះ លោកជ័យ សោភាត្រូវបានអញ្ជើញឲ្យធ្វើជាប្រធាននៃអនុវេទិកាទីមួយក្រោមប្រធានបទ " ការផ្លាស់ប្តូរនិងកិច្ចសហប្រតិបត្តិការលើវិស័យសារព័ត៌មានជួយជំរុញដល់ការបង្កើតសហគមន៍រួមវាសនាអាស៊ី " ។ លោកបានឯកភាពចំពោះសុន្ទរកថារបស់លោក HuangKunming សមាជិកការិយាល័យនយោបាយមជ្ឈិមបក្សកុម្មុយនិស្តចិននិងជារដ្ឋមន្ត្រីក្រសួងឃោសនាការចិន ដែលមានខ្លឹមសារពាក់ព័ន្ធនឹងការដើរតួនាទីយ៉ាងពេញលេញនូវការផ្សាយព័ត៌មានវិជ្ជមាន ។ ការផ្សាយព័ត៌មានត្រូវតែសមស្របនឹងក្រមសីលធម៌និងវិជ្ជាជីវៈសារព័ត៌មាន និងធានាពីការពិតនៃព័ត៌មាន ។