ថ្ងៃទី១១ខែមេសា លោកGengShuangអ្នកនាំពាក្យក្រសួងការបរទេសចិនបានថ្លែងនៅក្រុងប៉េកាំងថា ប្រទេសចិនបានប្រកាសពីវិធានការសំខាន់ដែលពាក់ព័ន្ធនឹងការបើកទូលាយចំពោះបរទេសគឺគ្មានទំនាក់ទំនងអ្វីជាមួយជម្លោះពាណិជ្ជកម្មរវាងប្រទេសចិននិងអាមេរិកនាពេលបច្ចុប្បន្ននោះទេ។ការពង្រីកការបើកទូលាយចំពោះបរទេសរបស់ប្រទេសចិនគឺមិនរងការរំខានពីមជ្ឈដ្ឋានខាងក្រៅទេ ហើយមជ្ឈដ្ឋានខាងក្រៅក៏មិនងអាចបង្កជាការរំខានបានដែរ។
មានដំណឹងបានផ្សាយថា ភាគីចិនបានប្រកាសពីវិធានការថ្មីស្តីពីការពង្រីកការបើកទូលាយចំពោះបរទេសនាពេលកន្លងទៅនេះគឺបានគ្របដណ្តប់លើវិស័យរថយន្តនិងកម្មសិទ្ធិបញ្ញា។វិស័យទាំងនេះវាស៊ីគ្នាជាមួយនិងវិស័យដែលអាមេរិកធ្លាប់បានសំដែងការចាប់អារម្មណ៍កាលពីពេលមុន។លោកGengShuangបានគូសបញ្ជាក់អំពីរឿងនេះថា អ្នកដែលយល់ដឹងការអនុវត្តរបស់រដ្ឋាភិបាលចិនសុទ្ធតែដឹងថា ការដាក់ចេញគោលនយោបាយសម្រេចចិត្តសំខាន់ៗជាច្រើនបែបនេះគឺចាំបាច់ត្រូវតែគិតពិចារណាម្តងហើយម្តងទៀតនិងធ្វើការចាត់ចែងយ៉ាងមធ្យ័ត ការទាំងនេះមិនអាចសម្រេចបានក្នុងពេលខ្លីនោះទេ។វិធានការដែលភាគីចិនបានដាក់ចេញលើកនេះគឺជាជំហានសំខាន់ដើម្បីអនុវត្តរបាយការណ៍នៃសមាជបក្សកុម្មុយនិស្តចិនលើកទី១៩និងរបាយការណ៍ការងាររដ្ឋាភិបាល ជាប្រតិបត្តិការសំខាន់ដែលប្រទេសចិនធ្វើឡើងសម្រាប់ការបើកទូលាយដោយម្ចាស់ការដែលអនុលោមតាមសេចក្តីត្រូវការ តារាងពេលវេលានិងផែនទីបង្ហាញផ្លូវរបស់ខ្លួន។