ភាគីចិនបង្ហាញថាត្រូវតែស៊ើបអង្កេតឲ្យច្បាស់នូវការពិតនៃករណីដែលសង្ស័យថាមានការវាយប្រហារដោយអាវុធគីមីនៅស៊ីរី

ក្រុមប្រឹក្សាសន្តិសុខអង្គការសហប្រជាជាតិបានបោះឆ្នោតលើសេចក្តីព្រាងច្បាប់នៃសេចក្តីសម្រេចចិត្ត៣ច្បាប់ជុំវិញបញ្ហាប្រើប្រាស់អាវុធគីមីនៅស៊ីរីនៅថ្ងៃទី១១ខែមេសា ដែលសេចក្តីព្រាងច្បាប់ទាំងនេះមិនត្រូវបានអនុម័តទេ។លោកGengShuangអ្នកនាំពាក្យក្រសួងការបរទេសចិនបានថ្លែងនៅក្រុងប៉េកាំងនាថ្ងៃដដែលថា ភាគីចិនមានសោកស្តាយណាស់ចំពោះលទ្ធផលបែបនេះ តែភារកិច្ចបន្ទាន់នាពេលបច្ចុប្បន្ននេះគឺត្រូវតែធ្វើការស៊ើបអង្កេតចំពោះករណីបែបសង្ស័យថាមានការវាយប្រហារដោយអាវុធគីមីនៅស៊ីរីឲ្យបានឆាប់។

ក្នុងសន្និសីទកាសែតជាប្រចាំដែលធ្វើនៅថ្ងៃទី១១ខែមេសា លោកGengShuangបានថ្លែងនៅពេលឆ្លើយសំណួរថា ភាគីចិនប្រឆាំងជាប់រហូតនូវរាល់ប្រទេស អង្គការឬបុគ្គលណា ប្រើប្រាស់អាវុធគីមីទោះស្ថិតក្នុងកាលៈទេសៈណាឬក្នុងគោលបំណងអ្វីក៏ដោយ។ជានិច្ចកាលប្រទេសចិនតែងតែផ្តួចផ្តើមឲ្យក្រុមប្រឹក្សាសន្តិសុខត្រូវពិគ្រោះពិភាក្សាគ្នាដោយភាពអត់ធ្មត់ និងប្រមូលផ្តុំគំនិតឯកភាពរួមដើម្បីបញ្ចេញសំឡេងសាមគ្គីគ្នាជាឯកឆ្ឆន្ទ។