អគ្គនាយករងនៃអគ្គនាយកដ្ឋានទូរទស្សន៍ជាតិកម្ពុជាថ្លែងថា លោកប្រធានរដ្ឋចិនស៊ីជីនភីងប្រកាសពីវិធានការថ្មីសម្រាប់ការបើកទូលាយធ្វើឲ្យក្នុងតំបន់និងពិភពលោកសុទ្ធតែអាចទទួលបានផលប្រយោជន៍

ពេលផ្តល់បទសម្ភាសន៍ជាមួយអ្នកសារព័ត៌មាននៃវិទ្យុយើងខ្ញុំនៅថ្ងៃទី ១០ ខែមេសា លោកជ័យសោភា អគ្គនាយករងនៃអគ្គនាយកដ្ឋានទូរទស្សន៍ជាតិកម្ពុជាបានថ្លែងថា សុន្ទរកថាគន្លឹះរបស់លោកប្រធានរដ្ឋចិនស៊ីជីនភីងដែលបានថ្លែងក្នុងពិធីបើកធ្វើសន្និសីទប្រចាំឆ្នាំ ២០១៨ នៃវេទិកាអាស៊ីក្រុងប៉អៅគឺមានសារៈសំខាន់ វិធានការថ្មីមួយចំនួនអំពីការបើកទូលាយរបស់ប្រទេសចិនដែលលោកស៊ីជីនភីងបានប្រកាសនោះនឹងធ្វើឲ្យក្នុងតំបន់និងពិភពលោកសុទ្ធតែអាចទទួលបានផលប្រយោជន៍ ។

លោកថ្លែងថា គំនិតផ្តួចផ្តើមដែលលោកស៊ីជីនភីងបានលើកឡើងអំពីការកសាងសហគមន៍រួមវាសនាតែមួយនៃមនុស្សជាតិគឺប្រកបដោយអត្ថន័យដ៏សំខាន់ ។ ពិភពលោកគឺជាអង្គធាតុរួមមួយ ប្រទេសនីមួយៗសុទ្ធតែកំពុងធ្វើកិច្ចខិតខំដើម្បីស្វែងរកការរីកចម្រើន ។ យើងសង្ឃឹមអាចរួមរស់ជាមួយគ្នាដោយចុះសម្រុង មានសន្តិភាពស្ថិរភាព រីកចម្រើនជាមួយគ្នា សហការគ្នានិងឈ្នះ-ឈ្នះ ៕