លោកស៊ីជីនភីង ប្រធានរដ្ឋចិនបានថ្លែងសុន្ទរកថាសំខាន់នៅវេទិកាអាស៊ីក្រុងប៉អៅដើម្បីពន្យល់ពីគោលនយោបាយពង្រីកកំណែទម្រង់និងការបើកទូលាយថែមទៀតនិងវិធានការសំខាន់ៗរបស់ប្រទេសចិនកាលពីថ្ងៃទី១០ខែមេសា សុន្ទរកថារបស់លោកប្រធានរដ្ឋចិន ស៊ីជីនភីងត្រូវបានវាយតម្លៃជាវិជ្ជមានពីសហគមន៍អន្តរជាតិ។ដូច្នេះ លោកត្រាំ ប្រធានាធិបតីអាមេរិកក៏បានឆ្លើយតបជាវិជ្ជមានចំពោះរឿងនេះផងដែរ។
អ្នកធ្វើអត្ថាធិប្បាយពិសេសរបស់ស្ថានីយទូរទស្សន៍មជ្ឈិមចិនបានថែ្លងថា សុន្ទរកថាគន្លឹះរបស់លោកស៊ីជីនភីង ប្រធានរដ្ឋចិននៅឯពិធីបើកនៃវេទិកាអាស៊ីក្រុងប៉អៅបានអធិប្បាយពីគោលនយោបាយពង្រីកកំណែទម្រង់និងការបើកទូលាយថែមទៀតនិងវិធានការសំខាន់ៗរបស់ប្រទេសចិន សុន្ទរកថារបស់លោកប្រធានរដ្ឋចិន ស៊ីជីនភីងត្រូវបានវាយតម្លៃជាវិជ្ជមានពីសហគមន៍អន្តរជាតិ។
តាំងពីប្រទេសចិនបានធ្វើកំណែទម្រង់និងបើកទូលាយ៤០ឆ្នាំរៀងមក ប្រជាជនចិនបានប្រកាន់ខ្ជាប់គោលនយោបាយបើកទូលាយចំពោះបរទេសដែលជាគោលនយោបាយមូលដ្ឋានជាប់រហូត ធ្វើកិច្ចកសាងតាមរយៈបើកទ្វារជាតិ ប្រទេសចិនបានក្លាយទៅជាម៉ាស៊ីនលំនឹងនិងប្រភពចលករសំខាន់នៃកំណើនសេដ្ឋកិច្ចពិភពលោក បានរួមចំណែករបស់ខ្លួនដល់កិច្ចការដ៏ឧត្តុងឧត្តមស្តីពីសន្តិភាពនិងការអភិវឌ្ឍរបស់មនុស្សជាតិ។
អ្នកអត្ថាធិប្បាយពិសេសនៃទូរទស្សន៍CCTVបានថ្លែងទៀតថា លោក YiGang អភិបាលធនាគារប្រជាជនចិនបានប្រកាសវិធានការជាក់លាក់និងតារាងពេលវេលាសម្រាប់ពង្រីកការបើកទូលាយនូវរបរហិរញ្ញវត្ថុ ។ នេះបានបង្ហាញឲ្យឃើញថា ពីដើមមក ប្រទេសចិនជាប្រទេសមួយដែលអនុវត្តតាមពាក្យសន្យា ។ បើសិនជាភាគីអាមេរិកទទូចចង់បង្កសង្គ្រាមពាណិជ្ជកម្ម នោះនឹងបាត់បង់កាលានុវត្តភាពសម្រាប់កិច្ចសហប្រតិបត្តិការថែមទៀតរវាងប្រទេសទាំងពីរ នឹងបាត់បង់នូវកាលានុវត្តភាពនៃការបើកទូលាយនិងការអភិវឌ្ឍរបស់ប្រទេសចិន ។