លោកប្រធានរដ្ឋចិនស៊ីជីនភីងបានអញ្ជើញចូលរួមពិធីបើកធ្វើសន្និសីទប្រចាំឆ្នាំ២០១៨នៃវេទិកាអាស៊ីក្រុងប៉អៅនិងថ្លែងសុន្ទរកថាគន្លឹះកាលពីថ្ងៃ១០ខែមេសា។សហគមន៍អន្តរជាតិបានផ្តោតការយកចិត្តទុកដាក់ខ្ពស់ទៅលើសុន្ទរកថាគន្លឹះរបស់លោកប្រធានរដ្ឋចិនស៊ីជីនភីង ព្រមនិងវាយតម្លៃយ៉ាងសកម្មទៅលើការប្រកាសអំពីគោលនយោបាយប្រកាន់ខ្ជាប់ការធ្វើកំណែទម្រង់និងបើកទូលាយមិនងាករេរបស់ប្រទេសចិន ក៏ដូចជាការបន្តដាក់ចេញវិធានការដ៏សំខាន់សម្រាប់ពង្រីកការបើកទូលាយនិងគំនិតផ្តួចផ្តើមសំខាន់ស្តីពីការអាស៊ីពួតដៃគ្នាបង្កើតអនាគតល្អបវរជាមួយនិងបណ្តាប្រទេសពិភពលោក។
តាមដំណឹងនៃកាសែតWallStreetJournalអាមេរិកបានឲ្យដឹងថា លោកប្រធានរដ្ឋចិនស៊ីជីនភីងបានសន្យាបន្ធូរបន្ថយក្នុងកម្រិតខ្ពស់សម្រាប់ការអនុញ្ញាតឲ្យចូលទីផ្សារចិនផ្នែកមុខរបរហិរញ្ញវត្ថុនិងផលិតកម្ម។ប្រការនេះបង្ហាញថា ប្រទេសចិននឹងផ្តោតសំខាន់ទៅលើការគាំពារប្រព័ន្ធពាណិជ្ចកម្មសេរី។សញ្ញានេះក៏បាននាំឲ្យទីផ្សារភាគហ៊ុនទូទាំងពិភពលោកឡើងថ្លៃ។
លោកEiSunHoទីប្រឹក្សាទី១នៃមជ្ឈមណ្ឌលស្រាវជ្រាវតំបន់ប៉ាស៊ីហ្វិកនៃប្រទេសម៉ាឡេស៊ីបានយល់ឃើញថា លោកប្រធានរដ្ឋចិនស៊ីជីនភីងបានប្រកាសពីវិធានការមួយចំនួនស្តីពីការបើកទូលាយទីផ្សារនិងពង្រីកការនាំចូល ប្រទេសជិតខាងក្នុងនោះរួមទាំងប្រទេសម៉ាឡេស៊ីផងបានសំដែងការកោតសរសើរចំពោះរឿងនេះ។សង្ឃឹមថាប្រទេសចិនបន្តគាំទ្រនិងលើកតម្កើងពាណិជ្ជកម្មសេរីក្រោមសភាពការណ៍ដែលការគាំពារនិយមនិងការផ្ទុយពី
សកលភាវូបនីយកម្មបានងើបឡើង ដើម្បីប្រឆាំងនឹងការគាំពារនិយមផ្នែកពាណិជ្ជកម្ម
