លោកស៊ីជីនភីង ប្រធានរដ្ឋចិនបានជួបពិភាក្សាការងារជាមួយលោក Duterte ប្រធានាធិបតីហ្វីលីពីននៅសណ្ឋាគារជាតិក្រុងប៉អៅ ខេត្តហៃណានកាលពីថៃ្ងទី១០ ខែមេសា។
ថែ្លងក្នុងកិច្ចជំនួប លោកស៊ីជីនភីងបានគូសបញ្ជាក់ថា ប្រទេសចិនចាត់ទុកសមាគមអាស៊ានជាទិសដៅអាទិភាពនៃកិច្ចការទូតជាមួយបណ្តាប្រទេសជិតខាងរបស់ប្រទេសចិនឆ្នាំនេះជាខួបទី១៥ឆ្នាំនៃការបង្កើតទំនាក់ទំនងដៃគូយុទ្ធសាស្រ្តរវាងចិននិងអាស៊ាននិងជាឆ្នាំច្នៃប្រឌិតថ្មីរវាងចិននិងអាស៊ាន ប្រទេសហ្វីលីពីននឹងរ៉ាប់រងតួនាទីជាប្រទេសអ្នកសម្របសម្រួលនៃទំនាក់ទំនងរវាងចិននិងអាស៊ាន ប្រទេសចិនរីករាយធ្វើការប្រាស្រ័យទាក់ទងនិងសម្របសម្រួលយ៉ាងជិតស្និទ្ធជាមួយភាគីហ្វីលីពីនដើម្បីជំរុញទំនាក់ទំនងរវាងចិននិងអាស៊ានព្រមទាំងកិច្ចសហប្រតិបត្តិការតំបន់អាស៊ីបូព៌ាឲ្យមានការអភិវឌ្ឍឥតឈប់ឈរ។
ជាការឆ្លើយតប លោក Duterte បានថែ្លងថា ភាគីហ្វីលីពីនរីករាយរួមសហការជាមួយភាគីចិនដើម្បីរក្សាសន្តិភាពនិងស្ថិរភាពនៅសមុទ្រចិនខាងត្បូងតាមរយៈការបា្រស្រ័យទាក់ទងគ្នានិងការពិគ្រោះពិភាក្សាទេ្វភាគី ធ្វើឲ្យសមុទ្រចិនខាងត្បូងក្លាយជាវិស័យសហប្រតិបត្តិការមួយរវាងប្រទេសហ្វីលីពីននិងចិន។ប្រទេសហ្វីលីពីននឹងធ្វើជាប្រទេសអ្នកសម្របសម្រួលនៃទំនាក់ទំនងរវាងចិននិងអាស៊ាន ហ្វីលីពីនរីករាយក្នុងការជំរុញយ៉ាងសកម្មនូវកិច្ចសហប្រតិបត្តិការរវាងអាស៊ាននិងចិនឲ្យកាន់តែស៊ីជម្រៅ៕
